زوجـي يحـشش ويـشرب الخمـر
 

السلام عليكم روحمة الله وبركاته
مشكلتي بأختصار أنا عمري 21 وزوجي 31 متزوجة من 5 سنوات وعندي طفل اكتشفت ان زوجي يشرب ويحشش بعد سنتين زواجنا وهو من ايام الجامعة يتعاطي ويشرب المهم أنا انصدمت لدرجه مو قادره استوعب لأنو مو باين عليه نهائيا طيب معايا ويحبني ويموت فيني ويدلعني ويجبلي اغلئ الهدايا بس ماعمره حشش او شرب ببيتي بس بالاستراحة ويحشش بالسيارة
وإذا سافرت عنه بس وماعمري لاحظت عليه شي
المهم كيف عرفت إنّو يشرب بعد سنتين بصوره في ملف شهر العسل كان هو مصور قارورة فاضيه مكتوب سميرانوف في كأسه مليانه عصير وطلع أضاف الشراب فيه لان لونو شفاف وكان يشرب بشهر العسل بس ماكنت اعرف وكتبت اسم العصير وانا غبيه افكره عصير وطلع انه خمر وتفاجأت وبكيت وقلت له تستغفلني وبعدها صارحني إنّو من ايام الجامعه يشرب علئ خفيف وقالي إنّو يحاول يبطل بس إنتي ساعديني واتفقت معاه بس ماعرف هو يشرب ولا لا مايبان فيه
ومره ثانيه بعد ثلاث سنوات اكتشفت انه يحشش لما شفت البكت حق الدخان شكله مقطع استغربت فتحت وحصلت سجاير شكلها غريب وفيها رسمة تاج المهم رحت عنده ووريته واعترف إنّو يحشش بالسيارة ولا بالاستراحة مع أصحابه وربي جتني صدمه وبكيت وقلت له ليش تستغفلني وتحشش وربي قعد يبكي عندي ويقولي إنّو من ايام الجامعه نفس كلامه عن الشراب وانه ساعديني
ومازال علئ حاله يحشش بالسيارة
مره تخاصمنا علئ موضوع الحشيش وهو عَصّب علي وفقد أعصابه وضربني لدرجة طلع كدمات بجسمي وربي إنّه بعد ماضربني يبكي ويحضني ويبوس ارجولي ويعتذر ويبكي ويقولي أنا احبك واخاف اخسرك وهو مرره متعلق فيني وسامحته علئ الي سواه فيني
وطبعا كل شي صار بيننا ماعمره طلع عند أهلي واهله لأَنِّي اخاف ان احد يعاير ولدي ان ابوه محشش او يسكر مع انه ماعمري شفت فيه شي يخليني أشك انه يشرب ولا يحشش. ويحبنا ومتعلق فينا ومو مقصر علينا بشي جدا كريم

علموني إِيش أسوي معااااه الله يخليكم كيف أخليه يبعد عن هذي الأشياء أعطوني نصائحكم ؟؟




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]