هل من مرشد ؟
 

السلام عليكم ورحمه الله وبركاته
صلوا على النبي اول شي ..

مشكلتي ياجماعه الخير متشابكه شوي انا عمري 21 مخطوبه لرجل يقرب لي صارت الخطبه والشوفه وكل شي خلال 4 ايام؟متخيلين .. كنت مجبوره اقرر ب هال4ايام وقالت اوك وانا مقتنعه اني استعجلت خاصه انها كانت فتره اختبارات فاينل وماكان بالي معاهم ابد . بس ارجع واقول انجبرت اقرر بسرعه
صرنا نكلم بعض بعلم الاهل محادثات عاديه بس عشان نتعرف ع بعض (مع العلم اننا م كتبنا الكتاب لسى والزواج مطول بعد) بالفتره الي كلمته فيها انصدمت من مثاليته وابد ماكان عاجبني هالشي .. صح ماكنت ابيه يجي يقولي انا سويت وفعلت واخطيت .لا ابد بالعكس انا قلت له ماضيك مهما كان انا مالي فيه . بس بنفس الوقت ماابيه يكذب ويرسم صوره خياليه له ببالي ؟
بعد كم شهر وتقريبا خلاص صرت مقتنعه فيه .. صار يتكرر علي حلم ولما بحثت عن تفسيره طلع من التفسيرات اني اتزوج شخص مايستحقني ؟ تعوذت من الشيطان وطنشت
صدفه تعرفت بالنت على بنت تقرب له وهي ماكانت تعرف مين انا لان انا اقرب له من بععيد هذا غير اننا عايشين بمدينه ثانيه غيرهم ف ماتعرفني ابببد .. مع السوالف سولفت لي عن مغامراتهم وعن كم واحد بالعايله ولما جت تتكلم عنه بديت اسحب منها الكلام اكثر وبدات تقولي بلااوي عنه ؟ وعن خويتها الي مخاويته من كم سنه ويتعنى لها لمدينتها ويطلع ويمارس العلاقه معاها
لما قالت لي اسمها تذكرت على طول اني شفتها بانستقرامه بس م اهتميت وماتوقعت بينهم شي .. قالت لي سوالف كثيره بنات وشرب وقرف . وانا ارجع واقول مايهمني اذا كان ماضي بس لييييييييه يكذب واذا طريت هالامور ينكر بكل مااوتي من قوه وانه بحياته ولا فكر فيها ؟
رجعت سولفت معاه عادي ومدري ايش قلنا وقتها بس هو قال نصحيه لاتفكرين ترتبطين بشخص سوا الحرام ؟ لاني انا ماارضاه لاختي .. قلت حتى لو كان ماضي ؟ قال ايه لانه ماينضمن انه مايرجع ل هالامور .. انصصصصدمت من كلامه ومن صدمتي قلت طيب انا مو موافقه عليك ومع السلامه . ( وش رايكم؟ تشوفون الي سويته صح؟ ) اكيد انتم ادرى وتجاربكم بالحياه اكثر


انتهاء تقريباَ الي بيننا وباقي بس اخبر اهلي برفضي بس خايفه .. ابوي انسان متسلط قاسي..ماادري ايش اقوله سبب رفضي ؟ ماابي اشوه سمعه الولد ولااقول اني شفت عليه شي .. بس ابي عذر يقنعه ومايخليه يضغط علي اكثر




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]