منتدى روضة القرآن - هل تريد التغيير ؟ لازم نبطل

السلام عليكم و رحمة الله و بركاته
بسم الله الرحمن الرحمن
لازم تبطل !!

مش عارفة ليه حاسه إنك أكيد عايز !!
أصل لحد إمتى حنبقى كده الدنيا كلها بتتغير وإشمعنى أنا وانت مش هنتغير
أنا حاسه إن جواي شعور رهيب إني لازم أبقه إنسانه تانيه
مش مشاركني الإحساس ده كابوس الإحساس بالقهر إنزاح
مبقاش فاضل غير إحساس الواحد بالذل قدام نفسه
أنا ليه مليش هدف أنا ليه مليش دور
ليه باعمل حاجات مش راضي عن نفسي فيها؟ طيب ولحد إمتى ؟ وإيه أخرتها ؟
طيب هانتغير إزاي ؟؟

دوَّر على نفسك أول حاجة دوَّر إيه اللي معجزك واتكلم بصراحة
بلاش تلف وتدور وتحاول تبعد الإجابة اللي ضميرك بيقولها ليك .
أيوة إنت مشكلتك الخطيرة إنك بعيد عن ربك
أخطر حاجة إنك يكون قلبك محروم منه
إنك مش قريب منه
إنك مش بتاخد القرار إنه يبقى " الأول " في حياتك ممكن تقول ليه !!
تتصور إن في حد أحن عليك منه ؟
تتصور إن في حد أرحم بيك منه ؟........ طب ليه مش عايز !!
تخيل إنك بتقول" ربي " فيناديك " عبدي "
تذكر اسمه .. تقرب خطوة تلاقيه قرب منك خطوتين
يحبك فيقذف في قلبك حبه تلاقيك طاير تهتف تصرخ
" وعجلت إليك ربي لترضى "
ياااااااه شعور ما يتوصفش مش عايز المتعة دى ليه ؟!!
بالله تتصور إنه يبسط يده لك وإنت مديله ظهرك
"يبسط يده بالليل ليتوب مسيء النهار ويبسط يده بالنهار ليتوب مسيء الليل "
حد في الدنيا يتصور المعنى ده وقلبه ما يحنش لربه !!
مشغول بإيه عنه ؟ كل خير إنت فيه منه

إحنا أكيد كلنا بنحبه بس مش عارفين إزاي نقرب منه .
ابتدي دلوقتي الخطوة ، وإحنا حنستعد مع بعض لرمضان السنة دي
عايزين ثورة على كل شيء بيبعدنا عن ربنا تحت شعار
" معاذ الله إنه ربي أحسن مثواي "
حتقول : للتبرج .. للكذب ... للنفاق .. للغيبة .... للنميمة .. للحياة الضنك "لا " و " ألف لاااااااااااااااا "
أنا لازم أتحدى نفسي علشان أرضي ربي وحبتديها بكلمة
" لازم أبطل " لأن البطل هو اللي يبطل
لأننا لازم مع رمضان السنة دى نتولد من جديد ونبدأ صفحة جديدة مع ربنا
بنحبه وهندلل على حبنا ليه

بأعمال وقرارات :

1- مفيش صلاة هتفوتني في معادها .
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

2- لازم كل يوم 100 استغفار وصلاة على الحبيب وأذكار الصباح والمساء .
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

3- كل يوم حتصدق ولو بجنيه علشان الصدقة بتطفئ نار المعاصي .
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

4- لازم اقرأ كل ليلة سورة تبارك قبل النوم علشان تحميني من عذاب القبر .
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

5- صيام الاثنين والخميس ، و (13 -14-15 ) من كل شهر عربي .
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

6- عايز أقرأ 10 صفحات قرآن .
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اثبت لربنا قد إيه بتحبه لو كنت بجد " عايز ربنا "
ويلا نتغلب علي الشيطان

والي هيعينك على ده الصحبة الصالحة
ومفتاح كل ده الصبر والاستعانة بالله

و نسأل الله أن يثبتكِ علي طاعته
و يعينكِ علي ذكره و شكره و حسن عبادته
(منقوول)