سؤال بسيط؟
 

السلام عليكم

بأدخل في الموضوع على طول
أنا متزوجه صار لي 4 سنين و 10 شهور، والحمدلله رزقت بطفلين ولد وبنت.
بأحكي لكم عن حياتي الزوجيه ويارب احد يفهمني لأن انا بنفسي مو فاهمتني،كلنا نعرف أن الزواج اساسه الحب والاحترام والتقدير..الاحترام والتقدير خالصين منّه كلنا نحترم بعضنا ونقدر بعضناا ،لكن الحب!! الى الآن بعد 4 سنوات و 10 شهور إلى الان ما ادري أنا احب زوجي أو لا؟؟ هالسؤال اسأله مية مره بِ اليوم! أنا متزوجه زواج تقليدي لا اعرفه ولا يعرفني بشهرين صار زوجي اول سنتين مرتّ عليّ كلهاا هواش ومشاكل ولكن الحمدلله على كل حال تعدلتّ أوضاعنا..السؤال اللي ابي له اجابه منكم لو تكرمتم..شلون أعرف إنِي احبه؟؟ ماعُمري بنيت علاقه مع أحد لا قبل الزواج ولا بعده يعني ماعُمري تواصلت مع رجل غير زوجي لأن تزوجت بِسن مبكر جداً مراهقتي عشتها ولا زلت اعيشها مع زوجي..المهم طولتّها عليكم الشيء اللي ابي اعرفه شلون اعرف إني احبه؟؟


إذا ماعندك إجابة ادع لِي دعوه حلوة تشبهك ❤🕊.




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]