كرهت زوجي ومحتارة بالطلاق
 

السلام عليكم ورحمة الله وبركاته
بالبداية احب اشكر ادارة هذا الموقع اللي تسمح بطرح المشكله وقراءة الردود الحكيمة اللي قد تكون سبب من اسباب الراحة والحل لبعض المشاكل.
مشكلتي متزوجة وعندي اطفال عمري 30 سنة وزوجي 36
حصلت بيني وبين زوجي مشاكل كثيره قوية وصلت للطلاق مرتين تقريباً وبعد جهود منه هو شخصيا تم الاصلاح
اغلب مشاكلنا كانت بسبب اهله وتسلطهم وبسبب انه كان يشرب الخمر ومازال يشرب وينكر يقول هذي بيرة والشرب غير متكرر يمكن مره كل اربع او خمس شهور
الان خفت المشاكل مع اهله
مشكلتي كرهت زوجي كره شديد ماعاد اتقبله ولا احبه للعلم كنت اعشقه لكن بسبب كلامه الجارح واهاناته المتكرره وبسبب تهاونه بالشرب خرج من قلبي نهائي وهذا الشي متعبني حالياً بسبب اني افكر بالطلاق صبح ومساء وماعاد وجوده او غيابه يفرق معاي مااطيقه مااتمنى له خير اتمنى موته اتمنى له الشر واشتمه كثير واعايره كثير ومع ذلك اخاف احاول احافظ ع بيتي بس مااقدر مع كرهي له
طبعا هذا الشي انا غير راضيه فيه ابي اصلح بالعلاقه بس مااقدر لان قلبي كرهه
هو طبعا من النوع اللي يسب ويشتم وانا اسبه واشتمه ويرجع ع طبيعته مايشيل بس انا كرهته اهانني كثير وجرحني اكثر كان يفتعل المشاكل ويفضحني ع ابسط مشكله يكلم الناس ويشتكي مني لين كرهته كره شديد
اهلي يايدون فكرة الطلاق منه لانه كثير مشاكله وهو شخصية مشكلجيه يتمشكل مع جميع الناس حتى بالشارع وانا حاليا ماافكر بعيالي ولا ببيتي احس اني عميانه البصيره ابي افارقه وبس واخاف اندم ع قراري
طبعا كلمت امه عن موضوع الشراب مافاد لانه العايلة جميعها متعوده ع الشي هذا
حاولت اصلاحه بجميع الطرق ماقدرت للعلم مايجي سكران للبيت ولايسهر برا ولا عنده شلل ولا استراحات وموظف وملتزم بوظيفته ويحب عياله ومدلعهم ومايقصر معي ولا مع طلباتي ابدا لكن قليل دين وجاهل بالاحكام والتعليم وانا طفشت منه واخاف اندم ع اصراري لان اهلي مايحبون مشاكله وطفشو من مواضيعنا لانه للاسف هو اللي يروح يشتكي لهم مو انا ويشجعون ع طلاقي بس اخاف اشتاق لعيالي واخاف اشتاق لبيتي
كيف انسى المشاكل القديمه والمواقف وابدأ من جديد كيف اتسامح مع الماضي ومعه وانسى له افعاله او هل فكرة الطلاق جيدة بهذا الموقف ومع هذا الرجل ؟




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]