زوجي
 

السلام عليكم ورحمه الله وبركاته

ترددت بكتابه مشكلتي لاني بحثت كثثثثثير ومالقيت شي يبرد على قلبي

انا متزوجه من 8 سنين وعندي طفلين وحامل اخر سنتين زوجي تغيررررر كثير كان فقير وصار غني جته فلوس

كنت صابره وساكته وراضيه دام زوجي طيب وحنون والحمدلله هذا رزقنا

بعد ماجته الفلوس تغير اشك انه متزوج مسيار او له علاقات ماادري مالقيت دليل وصراحه مافتشت كل ماجيت افتش أخاف

اول شي صار بخيل يعني حسابه فيه ملايين وعنده أملاك وياجر استراحات وشقق وانا مايعطيني الا طفاس يعطيني 600 ريال شهري ولازم بهواش ويتمنمن ويقعد يذلني عليها

فجاءه يجي يقولي سكري المكيف او مافيه مصروف !!!!!!! جيبيلي او مافيه مصروف !!! تعالي سويلي مساج او مافيه مصروف !!!!

بيتي من تزوجت مااثث وفيه غرف فاضيه الان اطلبه خدامه تساعدني صعب الشغل مع الحمل ماابي عندي على طول ابي لو مره بالاسبوع يقولي من مصروفك انا مالي شغل

حتى جوالي من مصروفي فرشه اسناني من مصروفي اخر مره قلت له لو مصروفي 3000 يالله يكفي حتى اذا رحت لاهلي او لاهله كل شي من هال600


مدري محدث نعمه او فيه شي انا مااشوفه وغايب عن عيني

ثاني شي صار طول الوقت برى البيت واذا رجع لعب مع عياله شوي ودخل قال بنام لااحد يجي يزعجني واذا صار ودخلت الغرفه لقيته على جواله

واحيانا ماادخل بس اسمع صوت الجوال

واضح انه يتهرب مايبي يقعد معي

واذا دخلت ودخلو معي عيالي القاه يلعبهم ويبيهم كانه لازم محرم بيننا !!!!!


ممكن خلال 5 شهور حصل اللقاء مره وحملت فيه وقبلها هاجرني بعد بالاشهر


كنت ساكته بالبدايه أقول فيه حزن نفسيته تعبانه بعدين قلت يمكن علشان هو بدا يكبر عمره الان دخل بالاربعين وانا ثلاثين

بس اذا جاء يكون بكامل نشاطه لكن احسه بدون مشاعر احسه تاديه واجب اخر مره سالني دخلتي الشهر السادس !!! معقوله كل هالفتره ماصار شي

حسيت كانه حاط توقيت

اللي بقلبي من ناحيته مااات وكرهته من كثره انتقاداته وعصبيته وكل ماكلمته قالي صوتك ينرفزني اكرهه وجهك مدري وش فيه

لكن ودي اعرف وش فيه مااودي اصير على عماي شي يوجع القلب

بقلبي اقول هو مب مهم اهم شي نفسي وعيالي لكن صعب والله صعب ادفن نفسي وشبابي وهو عايش حياته بالطول والعرض

ابعرف انا وين موقعي او وش وضعي




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]