حبي القديم رجع لقلبي
 

السلام عليكم
اتمنى تكونو في تمام الصحة والعافية جميعا
ابي شوركم في موضوعي
انا رجال اعتبر من الجيل القديم عمري 38 سنة ومتزوج من 13 سنة وعندي والحمدالله 4 عيال وزوجتي والحمدالله من الناس الطيبة ولابينا مشاكل الا مشاكل اهل البيوت المشاكل العادية.
قبل لا اتزوج كنت بعلاقة مع بنت من نفس المدينة الي انا فيها ستمرت 4 سنوات لين قبل لا اتزوج كنت متيم فيها وهي نفس الشي حب شديد بينا .
لاكن ايامنا كان مصيبة لو تجي تقول لبوك ولا اهلك والله ابي فلانة وفلانة مايدرون مين قامت القيامة وان جيت خطبت ودرو اهلها ان جاي من ارض الله بدون لاحد يعرفك برضو مصيبة عدات وتقاليد وتشدد الأولين في هالمواضيع كان مصيبة غير كلام الناس كان يعرفها قبل وسواليف عنك طول حياتك .
المهم ظعفت اخر شي واخترت اني ما اواجة المجتمع وفك هالعلاقة ...
تزوجت وهي تزوجت وراحت السنين بحكم انها بنفس المدينة ومدينتنا صغيرة فكانت تجيني بعض الأخبار عنها جاها عيال عندها 3 ماشالله وطول هالسنين وانا بين فترة وفترة يجيني ندم اني ما تزوجتها وظلمتها وظلمت نفسي لاكن انسى او اتناسا واقول هذا المكتوب والحمدالله على كل حال .وصلني علم انها تطلقت من سنة تقريبا جاني الخبر قبل شهر ونص ومن عرفت وانا حالي منتكس لا ليلي ليل ولانهاري نهار ماغير افكر في هالموضوع اروح اتقدملها ولا لا افكر فالعواقب وهل ينجح الأمر طيب زوجتي كيف اقولها وايش بتكون ردة فعلها وكيف اعرف اصلا انها بتوافق علي وان رفضتني بكون خسرتها وخسرت زوجتي والديرة صغيرة لو تقدمت لها اكيد الكل بيعرف مافي شي يتخبى لو افترضنا اني تقدمت بدون لاقول لزوجتي لين يوافقون ..
شاورت من اثق فيهم صراحة لم يوافق على ما افكر فية الا واحد والباقي قالو لاتقدم على الفكرة محتاااااار ومشتاااااق وحااااايس .عطوني رايكم وعسى ربي يسهل الأمور.




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]