تعبت والله تعبت
 

احتاج رايكم ونظرتكم للموضوع
ولاتعطوني رايكم الا لاقريتوا القصة كامل

انا متزوجة لي سنة ونص وحياتي اوصفها بجميله بس عندي مشكله
من بداية زواجي من بعد مارجعنا من شهر العسل على طول اهله وكل اخوانه المتزوج منهم والعزابي جوني لشقتي الصغيره لان زوجي عازمهم واضطريت ابقى مواصله الى 9 الصباح عشان اسوي لهم فطورهم تخيلو كنت توني عروس ومستحيه وجاييني متاخر على 2 الليل وجو باقي اخوانه على 4 الفجر عشان يزورون اخوهم المسجون وزيارته بالصباح .. وهم سكانين بمنطقه ثانيه مع ان عندهم 3 اخوات بنفس منطقتي شقيقاتهم من ابوهم و1 شقيقتهم من امهم .. وكلهم اما بيت ملك او دور كامل اوسع من شقتي واريح وعندهم شغالات يريحونهم
قلت ماعليه هي مره وحده
بس طلعت غلطانه مو مره وحده تكررت الزيارات لسنة كامله كل اسبوع عندي اما امه واخوه الصغير او اخوه المتزوج او اخوه الثاني او ابوه او حتى عمه .. الخ .. واحد يجي وواحد يروح ماحسيت براحه بشقتي ابد من سكنتها حسيت بضيق صوتي اوطيه ماخذ راحتي بالملابس حتى الضحك ماقدر اخذ راحتي فيه واغلب طلعاتي مع صحباتي واهلي يرفضها عشان من يخدم اهله لاطلعت انا !!
صرت فعلياً شغاله لاهله وتطور الموضوع الى ان اخوه يجيني مريض وانا الي يطبخ له وينظف وراه لاسبوع كامل وقايمه فيه بينما بيت اخته يبعد عن بيتي 5 دقايق والمصيبه انه متزوج وزوجته اتصلت علي تعتذر تقول انها تقنعه يرجع للمنطقه الي هي فيها ساكنه ولا يتعبني بس رافض زوجها يقول انه ماخذ اجازه من الدوام بسبب المرض ويبي يقعد عندي لين يطيب !! طيب واختك ليه ماتروح لها وبيتها يبعد عني 5 دقايق وهي محرم له يقدر يروح لها وتقوم فيه بس ماعليه قلت موقف مايتكرر الا مره اصبر .. حتى الموضوع وصل ان اخوه يدق بوري بسيارته الساعة 12 الليل عشان يصحينا من النوم نفتح الباب له .. ياليت على كذا الا وصل اني انتظر امه تجيني على الساعة 1 الليل عشان اقهويها .. ومره جيت بروح لاهلي وقالي زوجي اتركي مفاتيح البيت لاهلي عشان يجون متى مايبون !! رفضت قلت بيتي مو سردادي مردادي لاهلك كلهم وتهاوشنا وراح يهدد انه يفصل نسخ من مفاتيح البيت ويعطيها لاهله !! مستوعبين طلعت من شقتي واخوه فيها لاسبوع وبس مقفله غرفة النوم ... حتى ماعنده مشكله اروح استقبل اخوانه وافتح لهم الباب وانا وهم بالبيت لحالنا وزوجي العزيز ماهو موجود .. كم من مره تركني مع اخوانه وراح لدوامه ومايفصل بينا غير باب !! ويقول اعتبري اخواني هم اخوانك !! قلت له الحمو الموت وقام يهاوش اني ابي افرق بينه وبين اخوانه وكيف اخليه يشك باخوانه .. احسه كل اهله ساكنين عندي مستوعبين من سكنت سنة كامله ماتنفست فيها بشقتي الا 3 اسابيع بس ماجوني فيها وكنت جداً مرتاحه .. وصل حتى ان ابوه يجيني ويصحيني زوجي وانا فيني الحمه وتعبانه ماقدر تعبي عشان اسوي لابوه شاهي وقهوه واقعد مع ابوه وهو تاركنا ورايح لدوامه
اوقات احس زوجي اناني مايفكر فيني بس يفكر باهله .. ناقشته قلت اهلك فوق راسي بس الموضوع صار كثير علي انا تعبت ليش مايرحون لاخواتك بيتهم اوسع لهم وعندهم شغالات وقام يهاوش علي واهلي لاتغلطين عليهم .. الخ
حتى طبع اهله شييين كلهم وامه لاجتني والله اول ماتطب البيت تدخل على طول للمطبخ تفتح الثلاجة تشوفها وتطلع من المطبخ وتفر البيت كله تفتح كل باب مسكر تناظر وترجع تجلس معي استحي اقسم بالله استحي منها اقول لها عيب الي تسوينه من لقافه
مره اخذت شور وتجي تسالني امه ليش تاخذين شور !! استحيت امه فيها طبع القافة خلقه وذا مضايقني ماعندي جرأة اقولها شي .. حتى لما قلت لزوجي ان ذا الشي يضايقني سكت مارد علي قلت لو امي بس تسالك ليش تاخذ شور وش بتسوي قال بقولها مالك دخل !! يعني يعرف ان طبع امه شين وجابرني اتحمله
مره تهاوشت مع زوجي عشان ايش ؟
لاني مافرشت مفرش النوم لاخوه الي جينا 3 الفجر قام يصحيني من النوم افرش لاخوه جاي بالطريق رحت اخذت المخده والمفرش من المخزن وحطيتهم بالمجلس بدون مافرشهم واجهزهم لاخوه وقام زوجي يهاوشني !! قلت لاخوك يدين خله يفرش لعمره مو ميت وقام زوجي يصارخ وان قصدي ماستقبلهم ولا احب اهله وووو
اناااااا تعبببت وفيه الف قصة وقصة ومستعده اتحمل اهله بس مو لذي الدرجة كل يوم عندي واحد ومعطله حياتي كلها لخدمة اهله
كذا مره اقول لزوجي اني ماطيق اهلك بسببك انت .. انت الي فاتح لهم باب ولا امك تقول انك انت الي جابرها تقعد عندنا ولا هي ودها تقعد ببيت امها ولا بنتها
حتى امه مره نامت عند امها راح سحبها وجابها عندي
ولما درى ان اخوه ببيت اخته راح يحلف عليه يجينا
بنظرته وش يقولون الناس عنه اخوه ولا امه عند اختهم ولا جدتهم وهو فيه !! طيب ليش ماهتميت بنظرتي انا

ولا ارتحت من كل قلبي لما انتقلنا لنفس منطقتهم وقعدنا 6 شهور عشان وظيفة زوجي
والحين بنرجع من جديد نسكن لنفس المنطقة الي شدينا منها وفهمني انه الوضع بيرجع لنفس قبل ولا يبي افتعل له مشاكل جديده
انااا ماقدر انا لي صبر وحدود تحمل ولاني مجبره اضغط على عمري اكثر




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]