عريس شارف على الانفصال
 

السلام عليكم ورحمة الله
اخواني واخواتي الله يسعدكم انا في دوامة ماني عارف الحل معاها واتمنى تنوروني بشوركم
انا متزوج حديث وللحين ماكتب الله حمل لزوجتي هي قريبتي وكان بيينا حب من سنين تزوجنا الحمدلله وكان شهر العسل جدا كويس
بدأت الحياة باستقرارنا بالبيت دوامي من الساعه 7 الصباح الى 6 المغرب
المشكلة اني اعاني من اكثر من حاجة
اولا حقي الشرعي ترفض انه يكون بشكل يومي وتصدني
انا ك رجل احتاج احد يبادلني نفس الشعور والاحساس والحب يعني من دخلت علي بيتي وكل الكلام والغزل والدلع تسمعه مني وهي عشان م اظلمها كلمة احبك اقدر اعدها لكم من تزوجنا
ثانيا والله ياناس ان حتى ملابس العرسان المعروفه يالله اشوفها كثير تنام معي حتى لو بالبنطلون ماتفرق معها
كذلك عندها مشكله معي وهي ان لازم لازم لو تطلب اشياء تافهه اقسم بالله م تذكر ولا سويتها من تعب من ارهاق من الدوام تزعل وتقلب وجهها يومين لاني م احاول اني اراضيها لكن موب ع كل شي بشوف وش مزعلها اذا اخطيت والله العظيم اني اعتذر لاني انسان مو بس هي

اما من ناحية الامور الباقيه من بيت واهتمام بالبيت الشهادة لله ماهي تقصر

كل مشكله ذكرتها يشهد الله اني حاولت حاولت حاولت بكل م يخطر ببالكم من حل جلست معاها تناقشنا فهمتها علمتها شرحت لها ولكن ابدا مافيه اي تغير بالوضع

اذا انا ماني لاقي الانسانه اللي بتعفني بالحلال وبتشبعني بالكلام وش اسوي والله العظيم تعبت وانا احاول
الزعل يكون ع اشياء تافهه
حاليا هي ببيت اهلها وديتها من اسبوع ولا تواصلت معها لاني تعبت من الزعل السخيف ع اشياء تافهه مثل وديتها الخميس بعد المغرب يوم رجعت من دوامي ع طلبها لاهلها ورجعت لبيتي بغير ملابسي واطلع ونمت من تعب وارهاق ماني حاس بنفسي صحيت متأخر ع الساعه 2 بالفجر اتصلت عليها قالت نايمه قلت نوم العافيه
من بكره منفسه وزعلاانه ليش تسحب علي وماعندك اهتمام ولا مسؤلية وقلة مسؤلية وانا وصلت معي واكتفيت من كل شي
وديتها بشنطتها لاهلها رغبه مني لان خلاص والله اكتفيت يعني مشاكلي اللي فوق ماهي هامتها وهي من اسس الزواج والاستقرار وتوقف ع اشياء تافهه
جدياً اشيل هم بعد كم سنه كيف بكمل معاها ع هالوضع
جدياً افكر بالانفصال واشري راحة راسي
اعطوني رايكم الله يسعدكم




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]