اخون زوجي!!!!!!!!
 

السلام عليكم
انا متزوجة من 9 سنوات تقريباً كان عمري وقتها16 وانا الان 23
مشكلتي كبيرة جداً جداً جداً
بدايتها امي اتوفت والسبب انو ابويا كان يخونها كثير ويسافر لل احدى الدول وحهيا لانها كانت تحبه حب شديد تعبت ومرضت الين توفت وقتها انا كنت 6 شهور
وأتزوج بعدها وحده ثانيه والى يومك دا أبويا بنفس طباعه يلعب ببنات الناس مع انه كبير دحين لكن ما اتغير وزوجته تدري وتعبت معاه كثيرررررررر

لكن المشكلة مو هنا المشكلة احس ان كل شي بابا يسويه قاعد يسير في بناته اللي هما انا واخواتي كلنا متزوجات ..

انتو مستوعبين انو انا اخون زوجي وأتكلم مع رجال غيرة؟؟؟ وزوجي يدري ويسامحني لانه يموت فيا ومايقدر يستغنى عني؟؟؟؟؟؟؟شايفين قد ايش انا وقحه؟؟؟؟؟ المشكلة مهي مرا وحده اللي شاف

كثيرر يمكن 5 مرات شاف محادثات وحتى وانا راسلتلهم صوري
طبعا بيضربني زي اي رجال وكان ممكن يكون فيها قتل لكن بعدين بيسامحني من حبه الشديد ليا لكن طبعاً ذيل الكلب عمرو ماينعدل المفروض لو وحده عاقله كان من اول غلطة تتعلم لكن انا بهيمه غلطاتي كثير ومهي غلطات عادية
والله اني اتمنى الموت ابغى الارض تنشق وتبلعني
لاني مابغا اسوي كدا عارفه انه غلط لكن فتره وارجع لعادتي


والله زوجي مرا طيب وانا ماني عارفه ليش بسوي كدا حقيقي ماني عارفه انا احس ان فيا مرض نفسي انا مو طبيعيه ... انا متخلفه ..زوجي يستحق وحده احسن مني انا مااستاهله ..اتوووب وارجع وأتوب وارجع وأتوب وارجع طيب وبعدين !!!!!!!!! كيف اشيل الخصله الوسخه دي اقسم بالله كارهه نفسي بشكل كبير
حتى اخواتي المتزوجات نفس حالتي يكلمو رجال برضو .. انا احس كله بسبب ابويا لان الدنيا دووووواره واللي سواه قاعد يسير في بناته



امانه امانه امانه ساعدو اختكم ولا
سبوني اقتلوني سوو اللي بتسووه لاني استحق الموت اساسا:own:




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]