منتدى روضة القرآن - ماذا دار بينهن!!!!

أمهات جلسنا
يسولفن بين بعضهن .
ماذا دار بينهن!!!!

• تقول أم سالم
عيالي ولا واحد فيهم قدم لي شي الا ماندر
تقول والله اني احتاج احياناً بس استحي اطلب منهم .

• اما أم صالح
تقول ماشاء الله ولدي مايستلم الا 1500 بالشهر
والله انه يعطيني 500 كل شهر وهو متزوج مع اني ارفض اخذ منه لقلة راتبه ويعطيني بالغصب والله ان ربي فاتحها عليه.

• وتذكر ام سعد
تقول يسألني أحياناً تبين شي قدام أخوانه استحي اقول ايوا احتاج فلوس.

• وام عامر لها قصه تدمع العين
تقول مره رحت مع ولدي وزوجته للسوق
تقول والله يسألها يأم فلان كم تبين ويعطيها وانا امه قدامه مامدلي ريال ولا حتى سأل تحتاجين شي.

• وام راشد قصتها حزنتني
تقول والله قاعده بروحي في البيت بناتي واولادي متزوجين وكلهم موظفين
وحده من البنات بس اللي تعطيني مع انها اقلهم راتب
تقول والله اني اذا احتجت ابيع ذهبي !

• ماشاء الله ما أبهرني واسأل الله ان يوفقهم ويرضى عنهم ابناء ام عبدالله
تقول كلهم مخصصين لي مبلغ اللي 1000 واللي 1500 وربي مبارك لهم في مالهم وعيالهم تبارك الله .

* قصص كثيره اختصرتها لكم لذلك يااخوان بارك الله فيكم أمهاتكم أمهاتكم.
- بعض الرجال يخصص مبلغ لزوجته ، وامه لم يفكر يخصص لها.

” مهما كان امك تحتاج للفلوس لا تقل ماتحتاج، لوكان راتبك قليل صدقني سيبارك لك الله فيه..

وانتي ايتها الزوجه اهمسي في اذن زوجك وذكريه بامه ليعطيها كل شهر ،وغداً ستجدين هذا العمل باذن الله من زوجات اولادك.
حتى وإن كانت الأم عندها اولاد غير زوجك كل واحد من أولادها عليه حق إعطائها قال تعالى : { يَسْأَلُونَكَ مَاذَا يُنفِقُونَ قُلْ مَا أَنفَقْتُم مِّنْ خَيْرٍ فَلِلْوَالِدَيْنِ وَالأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُواْ مِنْ خَيْرٍ فَإِنَّ اللّهَ بِهِ عَلِيمٌ } البقرة215

ˆ الوالدين أولى بالانفاق عليهم سواء الأم او الأب
لكن شددت على الأمهات لكونهن ربات بيوت ولا يستلمن رواتب فالله الله بأمهاتكم
من هذه اللحظه جربوا لذتها كل شهر
أعطها على جنب ما كتبه الله لك ولاتسألها تحتاجين ؟

ˆ ارسلوها علّك تذكربها غافل
فتُفرح بها قلب أم