مساء الخير ..

انا متزوجه من اربع سنوات والحمدلله يارب زوجي انسان كويس وعلاقتنا مع بعض حلوه وبيننا حب وتفاهم الحمدلله
مشكلتي او الشي اللي محيرني بصراحه انه الى الان ماصار حمل ، والغريب ان زوجي الله يحفظه مو مهتم في الموضوع وفي كل مره افتح السالفه يقولي مو مهم لو نبقى عشرين سنه بدون عيال مافيه شي يفرق بيننا لاخر العمر
انا احبه واحترمه جدا واحترم عائلته وخصوصا والدته .. لكن هي في كل زياره لازم تفتح موضوع الحمل ومن حقها
انها تتمنى تشوف ولد لابنها والصراحه هو يزعل من والدته ويقولها انا راضي وماابغى عيال ومبسوط كذا ..

و مرات لما استخدم اعشاب واشياء مجربه من الحريم وهو يعرف بهالشي يزعل ويظل يلومني انه هالاشياء راح تسبب لي مشاكل ومرض ومو مضمونه ، طيب ليه مااروح المستشفى اتعالج !
يرد عليه مو مهم ، بس انا اعرف انه يتشفق على شوفت الصغار ومتعلق بأولاد اخوانه
لما اشوفه معهم يلعب ويشتري لهم اغراض احزن في نفسي واحس اني انا فعلا اللي حارمته من الاطفال
لكن هو ليه يرفض علاجي وليه مايهتم وكثير يحاول ينسيني هالموضوع .. ابي افهم السبب يعني معقوله مايتمنى ولد مني ولا كيف ؟ رغم انه قريب مني حيل ومالي وقتي وحياتي لكن هالشي مايغنيني عن طفل
وماديا الحمدلله دخله كويس ومو رجال حق طلعات وسفريات
بالعكس اغلب مشاويره معايه .. حتى مواعيد المستشفى لما يمرض اروح معه
هو مره من المرات قال ماابغى يجينا اطفال ويشغلونك عني واخاف ماعاد تهتمين فيني ، لكن الصراحه انا اخذت كلامه انه مجرد دلع او مزح ، معقوله هذا سبب !!


ملاحظه صغيره انا كشفت مره بدايت زواجي وقالت لي الطبيبه انه عندي ضعف تبويض فقط ومع العلاج ان شاء الله احمل لان كل اموري تمام ماعدا هالشي وهو من بعدها ماعاد وداني المستشفى




المصدر...