بين امي وزوجي !!
 
السلام عليكم ورحمة الله وبركاته
انا زوجة وام لطفلين متزوجه منذ خمس سنوات زوجي والحمدلله علاقتنا مثل اي زوجين بالدنيا اوقات مافي احسن منها واوقات متقلبه بس غالبا حياتنا حلوة وطبيعيه انا راضيه فيه وهو راضي فييا ومايقصر معي ابدااا يعني فيه من الايجابيات الكثيرة اللي تخليني اتغافل عن اي منغص المشكله اني والدي ووالدتي منفصلين من وانا طفله وكل منهم متزوج وعايش حياته عشت 3 سنوات مع امي بعدها مع ابوي الله يخليه لي .. الثلاث السنوات اللي عشتهم مع امي كانت ماضي اليم بالنسبه لي وماني قادرة امحيه من باالي ومأثر كثيير على علاقتي بامي حالياا وكان كل شي يصيرلي بسبب زوجها ..اول حاجه ماكنت مستقرة بمكان شوي توديني لجدتي اجلس عندها لانها تزوجت واحيان توديني لخالتي واحيان عند اهل زوجها يعني كنت مشتته وهذا غير الدمار النفسي اللي مترسب بداخلي كنت لما امرض واتعب اروح ابي انام جنبها زي اي طفله كانت تتعمد تدفني لين اطيح من فوق السرير وتصير علاقه بينها وبين زوجها كنت اضطر اسوي نفسي ناايمه عشان لاانحررج وقتها كنت طفله عمري 7 سنوات ولكم ان تتخيلو كمية القهر اللي حسيتها ولما كبررت ونضجت صرت استرجع المواقف اللي كانت تصير وامووت قهرر وغبنه .. مصروفي اللي كان ابوي يرسله لي كانو يصرفونه على البيت وعلى انفسهم وانا لي النصيب الاقل طبعا هذا كله ما عرفته الا لما كبرت وتذكرت كل شي .. المهم من بعدها عشت عند ابوي معززة مكرمه ونفسيتي تحسنت وصرت ازور امي بالاجازات .. كبرت وتزوجت وبدات المشاكل من جديد امي وضعهم المادي جدا صعب ولاني مقتدرة والحمدلله فكنت اعطيها جزء من مصروفي حتى بعد ماتزوجت صار زوجي هو يعطيها من ماله .. بعدها بشوي زادت علينا المصاريف والمسؤليات خصوصا مع اطفالي ودراستي فصرت ماعندي القدرة اني اعطي امي شي .. امي بدات تكره زوجي وتحقد عليه وتظن انه هو السبب اني ماعد اعطيها شي فهمتها انه ظروفنا على قدنا مو زي بداية زواجنا وابدا مو نفس ظروفي وانا عند ابوي وعيت تتفهم وضعي مع الوقت صار حتى زوجها يحرضها علي وعلى زوجي ويتهمنا بالبخل وباشياء والله زوجي ابدا مو متصف فيها انا مابي اكون حيادية بصف زوجي وانه هو الملاك هو صحيح احياان وقت ما يكون مضغوط بعمله او نفسيا يفقد اعصابه علي قدامهم ويقلل من احترامي بس يرجع يعتذر وهم ياخذونها فرصه ويعايروني فيه .. امي ساكنه بمنطقه بعييدة جدا عننا يعني لما نزورهم اضطر اجلس كم يووم انا وزوجي وبهالكم يوم نكون طوول الوقت مشاكل بسببهم واحيان تصير اشياء والله العظيم استحي من زوجي اتفشل قدامه من تصرفاتهم معاي.. وكذا مررة تصير مشكله كبيرة بيني وبين زوجي واكون مقررة الانفصال بس مجرد مااراجع بيتنا نرجع طبيعيين ونعتذر لبعض بس الحمدلله انه متفهم ولو واحد غيره كان عايرني فيهم .. المشكله زاادت سوء من اخر مرة امي صارت ترمي بالكلام على زوجي وماتبيني اطيعه بشي يعني تبيني اخرج مثلا وماقوله او اطلب اشياء هو مايقدر عليها .. زوجي تضاايق جداا من هالتصرف ومن الكلام اللي يسمعه وحلف علي اني ماارسلهم ولا ريال .. قبل فتره امي كانت بتسوي عمليه وطلبتني مبلغ وانا مامعاي قمت بعت من ذهبي واعطيتها مهما كان محد بيوقف معها بالظروف غيري ولا اقدر اتخلى عنها من بعدها زوجي قالي شوفي في ذمتك ما اسامحك على ريال واحد اعطيك ياه وترسلينه لهم او تبيعين ذهبك لهم .. واضطريت اني مااناقشه بهالموضوع لانه مو مكلف فيهم .. المشكله هي اني صرت مااطيق اروح ازورهم لاني اضطر اطووول عندهم وتصير مشاكل وغير كذا زوجي مايرضى يخليني بروحي هناك وبسبب هذا كله الله يسامحني ويعفو عني صرت ماخذه على خاطري كثير من امي وهالشي مضايقني بس ماني قادرة انسى اللي صار .. امي صارت تطلبني فلووس وانا احيان يكون معااي بس اخااف ارسلها وزوجي يدري واخاف زياده لانه مأمني وحاطها بذمتي .. كذا مرة تطلبني احيان فعلا مايكون عندي شي واحيان يكون عندي واعتذر منها انه ماعندي وانا ادري بظروفهم وادري باللي صارلي بسببهم بس هذي امي مابي اكوون عاقه لها مابيها تضيق علي وربي مايوفقني بحياتي صررت خاايفه ومحتاارة مدري شسووي شورو علي
fdk hld ,.,[d !!
المصدر...اثبت وجودك
..
تقرأ وترحل شارك معنا برد أو بموضوع
|