السلام عليكم
عندي مشكلة من سنوات ياليت تحصلوا لي حل ولااحد يهاجمني اللي فيني كافيني
انا بنت وحيدة عمري الان 32 سنة ولااخ عندي امي ميته الله يرحمها وابوي تزوج وحده من خارج عيلتنا وعندي اخوان من زوجته الثانية
ابوي اضطر قبل مايتزوج انه يكمل دراسته ويطور نفسه وخلاني عند عمي وعشت معاهم طبعا حنا نكشف على بعض واعجبت بولد عمي اللي عمره 34 سنة الحين اخلاق وهادي وحبوب وتعلقت فيه اكثر لما خبرني ابوي ان امي وصت قبل ماتموت ان ولد عمي يتزوجني وطبعا ماكلموا ولا شيء كنا صغار بالثانوية وكبرنا وسافر يكمل دراسته ورجع وهو طيب معاي عادي
ومسك شركة عمي اللي ابوي يشتغل معاهم
وقعدت على امل يجي اليوم اللي يخطبني
ومرة كنا عندهم الا اسمعه يقول تمام انكم مجتمعين ابي اشاوركم بموضوع خاص وهو مبتسم قال جدي تكلم كلنا موجودين
قال انا قررت اتزوج قال جدي هذه الساعة المباركة حدد وبقول تم كل شيء علي
قال له بشاوركم انه اول نخطب بعدها نحدد الزواج
قال جدي انتو عيال عم مابينكم رسميات
قال ولد عمي بنت عمي ايش انا ابي اخطب وحدة ثانية
جتنا صدمة والكل قعد يطالع في بعض تمنيت وقتها اني اموت ولاسمعتها منه
قال جدي ايش تقول مين هذي
قال اخت صديق لي تعرفت عليه من سنوات وشفت بنتهم صدفه وسألت عنها قام عمي ابوه قال وليش هذه بالذات
قال والله ابوي انا استخرت الله وصديقي مافيه عيب وانتو تعرفوا على الاهل وعطوني رايكم وان شاء الله يناسبونا
قام جدي صرخ وابوي يصارخ وبنتي اللي انتظرتك سنين ومن هالكلام
قال ولد عمي انا عطيت ابوي رايي من اول بنت عمي على عيني وراسي بس اعتبرها اختي مو اكثر
وهي بتلاقي اللي يحطها بعيونه وصارت مشاكل قدامنا وصياح وجدي قال ماراح تاخذ هالبنت طول ماانا عايش وماعندك غير بنت عمك
قال والله ماراح اخذها ولا احد يقدر يجبرني ولااذكر ايش صار اغمى علي
ومن بعدها علاقتنا فيهم تغيرت كثيييييييييييييييييييييييييييييييير وتوترت الامور حتى ابوي فض الشراكة مع اخوه عشان هالموضوع
وابوي عمل كل شيء حتى يوقف زواج ولد عمي من هالبنت وصار اللي خطط له
وولد عمي عاند وقال ماراح اخذ بنت عمي سووا اللي تسوووه
ومر على هالكلام ست سنوات متخيلين المدة ودخلنا الثلاثين ولاهو تزوج اللي تمناها ولا انا تزوجته
حسسسرة بقلبي حتى لامريت عليهم وشفته مايطالع فيني مثل اول
كارهني كره وخلاص انقطعنا عنهم
ماصرت اشوفهم ولايشوفونا لان عمي زعل من ابوي قال ماكان محتاج الموضوع تكبره والزواج مو غصب ولاهو نقص في بنتك
لكن قسمة ونصيب
طبعا كان عندي امل مع الضغط عليه انه يخطبني خاصة ان البنت عرفنا عنها انها تزوجت لكن ماصار ولاشي
والسنة اللي راحت اكتشفت متأخر فجأة ان البنت تطلقت وولد عمي يدور ورى اهلها لانهم نقلوا وانقطعت علاقته بصديقه
تتوقعوا ممكن ياخذها رغم انها مطلقة وهو شاب ؟؟
احس حياته انتهت لانه ماتزوجها كل شيء بوجه واضح
توقعت ينسى ويعيش لكن حياته من الدوام للبيت الى اصحابه ودراسته وبسسس
وحساباته كل الكلام والخواطر عن الماضي ويتخيل حياته معاها
حتى اهله احسس للحين ماعادوا يحبوني صرت السبب في فراق اثنين
ممكن تعلق قلبه فيها ؟؟ طيب انا وش مصيري ؟؟
تكفون طلعوا مشكلتي سنوات احرقتني وهي بقلبي وساكته
سامحوني كلامي مو مرتب بسبب نفسيتي
jsffj td tvhr hekdk uahk hggd hpfi ,ghj.,[kd
المصدر...