الحلقة الثانية من اللقاء الديني المتجدد مين هتكون معانا اليوم؟

أخواتي فى الله السلام عليكم ورحمة الله وبركاته
أهلا بكم ومرحباً في هذا اللقاء المتجدد


نجتمع فيه على كتاب الله وسنه نبيه صلى الله عليه وسلم
نتعلم ونتذكر راجين من الله تعالى حسن القبول وغفران الذنوب
فى هذا البرنامج سنتكلم كل مرة في موضوع يفيدنا جميعاً بإذن الله
و اللقاء مفتوح لأسئلتكم واستفساراتكم أحبائى



اليوم نتكلم عن موضوع في غاية الأهمية
هنتكلم عن النية

اى عمل بنعمله في حياتنا لازم يكون له نية يعنى إيه؟؟
يعني يكون الأول له فكرة في قلبك أنا هعمل كذا عشان كذا
مثلاً أنا هصلى لان ربنا امرنى بكدا ان كان
قلبك راضى وفرحان لانه هيناجى ربه بالتالي هتصلي صلاة فيها خشوع وتأنى وتتعبيش فيها مهما طولتي
أو تكون الفكرة أنا هصلى عشان اخلص من الصلاة دي اللي شاعرة إنها عبأ عليكِ تقومي تصلي صلاة لا تتذكري فيها عدد الركعات ويجيلك ألف فكرة وفكرة يمكن تفتكري حاجات ما تفتكريها خارج الصلاة

ومثال ثاني: مثلا أنت اليوم زرتي والديك أثناء ذهابك مشوار بجانبهم لكن لو ما كان فيه مشوار ما زرتيهم أصلا فيكون الثواب الحقيقي لو كنتِ ذهبتي مخصوص وفى قلبك برهم من أجل رضا الله



بكدا يبقى بدأنا نفهم النية
النيَّة هي المقصد، والغرض، والغاية التي تَحرَّكنا لأي عمل
هي الفعل القلبيُّ، الذي لا يراه أحد إلاَّ الله سبحانه

شُرعَت النيَّة من أجْل:
التَّمييز بين العادة والعبادة، والعادة لا أَجرَ فيها، وفي العبادة الأجر.

الكثير منا يغفل عنها في تعبُّدِنا وسائر أعمالنا،و بنخسر كثير مِن ثواب أعمالنا، بسبب أنَّنا لا نستحضر نيَّتنا وقت الفعل، و تلاقينا بنؤديها بآلية، ما فيها خشوع ولا الروح الإيمانيَّة،فنُضيِّعها ونحن لا نشعر.


تعالوا نشوف تعليمات نبينا الحبيب صلى الله عليه وسلم
قال رسول الله ?
( إنما الأعمالُ بالنياتِ، وإنما لكلِّ امرئٍ ما نوى، فمن كانت هجرتُه إلى دنيا يصيُبها، أو إلى امرأةٍ ينكحها، فهجرتُه إلى ما هاجر إليه) رواه البخاري ومسلم



والنية لها أقسام :
نيه للعمل نفسه كنيتك للصلاة ونيتك لمن تصلى له وهو الله تعالي
يعنى إيه؟؟
يقول الشيخ ابن العثيمين

مثاله:عند إرادة الإنسان الغُسل ينوي الغُسل، فهذه نيَّة العمل، لكن إذا نوى الغُسل تقرُّبًا إلى الله تعالى وطاعةً له، فهذه نيَّة المعمول له؛ أي: قصد وجهه - سبحانه وتعالى - وهذه الأخيرة هي التي نغفُل عنها كثيرًا، فلا نستحضر نيَّة التَّقرب، فالغالب أنَّنا نفعل العبادة على أنَّنا مُلزمون بها، فننويها لتصحيح العمل، وهذا نقصٌ؛ ولهذا يقول الله تعالى عند ذكر العمل: ? ابْتِغَاءَ وَجْهِ رَبِّهِمْ ? [الرعد: 22]،
? إِلاَّ ابْتِغَاءَ وَجْهِ رَبِّهِ الأَعْلَى ? [الليل:20]، و? يَبْتَغُونَ فَضْلاً مِنَ اللَّهِ وَرِضْوَانًا ? [الحشر: 8].

ويقول المقدسيُّ:
فالعمل بغير نيَّة عناء (يعنى تعب على الفاضي)، والنيَّة بغير إخلاص رِياء (يعنى نفاق) ، والإخلاص من غير تحقيق هَباء( يعنى شيء ضايع كأنه لم يكن)؛ قال الله تعالى:
? وَقَدِمْنَا إِلَى مَا عَمِلُوا مِنْ عَمَلٍ فَجَعَلْنَاهُ هَبَاءً مَنْثُورًا ? [الفرقان: 23].



ويبقى بكدا
كل واحدة تقعد مع نفسها
هي بتصلي وتصوم وتقول الأذكار وتقرأ القرآن وتتصدق وتبر والديها ولا تؤذى جيرانها
ولا بتنشر على النت مثل العمل في المنتدى هنا وووالخ
ياترى دا ليه؟؟
هل لأنها بتعمل بأوامر الله وكمان لأنها بتحبه وعوزا ترضيه بأي طريقة ولا أهو تأديه واجب وخلاص
هي بتساعد الناس ليه؟ لرضا الله ولا عشان الناس يشكروا فيها وخلاص
وفي حياتك اليومية
هل تعملين في المنزل من غسيل المواعين والملابس لان دا عملك ولكي عليه جوائز يوم القيامة فتأدية رضا لله وحده ولا اهو عمل غصب عنك وخلاص وعشان كدا بتعمليه وأنت متضايقة جدا؟؟

اعرفي إن النية حتى في الأمور المباحة مثل النوم والأكل والشرب وكل الأمور اللي مش تعبدية هتخدى عليها ثواب لو عملتيها لله يعنى مثلاً لما تيجى تنامى يكون فى نيتك انك هتنامى عشان تقدري تصلى الفجر فى وقته وتصلى الشروق والضحى وتقولي أذكار الصباح تقرئي وردك من القرآن وعشان تقدري تشوفي مصالح بيتك سواء كنتِ متزوجة أو لا ، تقومي تاخدى ثواب طاعة مع انك بتعملى حاجة مريحة لكِ انك بتنامي


وخلى بالك إن العمل الواحد ممكن يكون له اكتر من نيه
يعنى مثلا هتغسلي المواعين وتطبخي
تخلي نيتك مثلا :انك بتنضفي عشان تعملي عملك اللي الرسول قال عليه والمرأة راعية فى بيتها ومسئولة عن رعيتها وعشان بر والديك ان كنتِ مش متزوجة والعمل بحق زوجك ان كنتِ متزوجة و لو حد صايم من أفراد الأسرة يكون زيادة فى النية تفطير صايم ولو هتتصدقى على فقير ولا عازمة حماتك ولا أى حد اقارب او اصدقاء بطبق من أكلك تضيفي نية الصدقة بس خلى بالك فيه حاجة لو عملتيها ممكن تضيعي كل النيات دى ؟!
لو كنتِ منانة يعنى كل ما تعملي حاجة تذلي بيها اللي معاكِ أنا تعبانة انا طول النهار اعمل انتم ما تستأهلوا أو تكونى شكاية كل ما تشوفى حد تشتكيلوا من تعبك وحالك . ...الخ شوفي ربنا بيقول إيه

(قَوْلٌ مَّعْرُوفٌ وَمَغْفِرَةٌ خَيْرٌ مِّن صَدَقَةٍ يَتْبَعُهَا أَذًى ? وَاللَّهُ غَنِيٌّ حَلِيمٌ (263) البقرة

:heart:طولت عليكم معلش بس الموضوع مهم
الخلاصة انك من أول ما تصحي من النوم لحد ماتنامي ما تضيعي لحظة فى غير رضا الله
كل حاجة تعمليها أو تقوليها أو تسبيها أول حاجة تفكري فيها يكون لرضا الله
هتلاقي يوم القيامة حسنات مش هتصدقي انك اللي عملتيها
أوعى تضيعي وقتك وعمرك فى اى حاجة أبدا

واجبنا بإذن الله محاسبة قلوبنا وأفكارنا على كل قول وفعل لمدة كام يوم وربنا يوفقنا كلنا ويهدينا لما يحب ويرضى

قولوا معايا آمين
اللهمَّ أَصلحْ نيَّاتِنا، وانفعنا بذكْرها عندَ كلِّ عمل من أعمالنا، وارزقْنا الإخلاص في العمل، والسَّداد في الرأي، وحسنَ إتباع نبيِّ الحق صلَّى الله عليه وسلَّم اجعل اللهمَّ نيَّاتِنا الصَّالحةَ سبيلاً لمَا يُرضيك مِن الأعمال، الظَّاهرة والباطنة، وأَصلحْ قلوبنا، وأعنَّا على نفوسِنا الأمَّارة بالسُّوء، ونعوذ بكَ مِن شهواتِنا، ومِن فتن الدنيا، ومِن كلِّ ما يَصرفنا عن صراطك المستقيم، آمين.




والآن موعدكم مع الأسئلة
تحت أمركم يا أحبائي من لها سؤال والله المستعان
وفقكم الله لما يحب ويرضى

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...