تعقيب للمره الثانية زوجي ووحدة متزوجة

زوجي ووحدة متزوجة

السلام عليكم
http://forum.z4ar.com/f116/t469139.html


مبارح كنت عم اقرأ عاالنت لفت نظري انه ممكن يكون صاير فينا سحر
او عين انا و زوجي
لانه و الله قبل ما يخوني كان إنسان محترم كان إنسان تاني تماما
كان يخاف اتوجع و لا بحياته ضربني
اما فجاة صار يضربني بقوة و يطلق بدون سبب.
بلشت اقرأ الرقية عالمياه و اعمله فيها شاي او قهوة عشان يشربها
و اشرب انا كمان
سؤالي في حدا صار معه هيك و بعد الرقية رجعت الأمور لمجاريها

انا هلا الحمد لله بلشت التفت لحالي و بلشت احاول افصل عقلي عن قلبي
سجلت طب أسنان. لاضمن مستقبلي لاني قبل كنت موقفه دراستي عشان ولادي
بس هلا ظبطتلهن حضانة يبقو فيها وقت دوامي
عم احاول أنسى. اللي صار بيناتنا بس قلبي عم يوجعني بالحرف عم يوجعني
بحس بضيق النفس بالاكتئاب
حاسه اني كنت على حافه الانهيار
انا لهلا ما عم احس بالامان مع زوجي لانه ما النا يومين قاعدين
عم احكيله عشان السحر والعين و سألته قلتله معقول تكون هديك المرة المتزوجة عملت سحر لتفرق بينا
فورا عَصّب و صار يقلي لايمت بدنا نخلص من هالقصه.
و قال انه بدو يحاكي ابوي عشان يطلقني
جمدت قلبي و قلتله اعمل اللي بدك اياه و فتت عغرفتي انهرت غصيت
بعدين لحاله ما عمل شي و لا حكى مع ابوي
و انا تناسيت القصه قدّامه
اخ شو بعرفني الله يفرجها احسن شي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,,p]m lj.,[m

المصدر...