عروس واكتشفت زوجي متزوج علي وعنده ولد

عروس واكتشفت زوجي متزوج علي وعنده ولد

السلام عليكم ورحمة الله و بركاته


اتمنى من اصحاب الاراء الحكيمة يردون علي لعل و عسى القى حل


اولا انا عمري 25 و زوجي عمره 30 ، متزوجة من ولد خالتي لي 4 شهور، اتزوجنا عن قصة حب دامت سنتين ثم خطبنا و كانت فترة ملكتنا 3 سنين.. هو مغترب برا في احد الدول الاجنبيه بحكم شغله و دراسته فا ما كنا نتقابل كثير وقت الملكه بس رغم ذلك كانت اجمل فترة.. متأكدة من حبي له رغم اللي سواه وانا احبه و اموت فيه لأنه اول حب في حياتي..


صدمتي كانت من كم يوم لما اكتشفت عن طريق الصدفة (موضوع طويل) انه له علاقة بوحده اجنبيه.. طبعا ماقدرت اصبر واتصلت عليه و واجهته (انا حاليا بعد الزواج رجعت لاهلي لظروف عملي والمفترض اسافرله خلال شهر) المهم انه ما انكر، وقالي انه مو على علاقه غير شرعيه بل متزوجها و عنده منها ولد!! وانه اتزوجها لان خاف يروح للحرام وخاف مايقدر يمسك نفسه وعنده اثبات عقد الزواج و الخ..


انا ادري انه اللي سواه مو حرام، بس والله ماقدرت استوعب.. انا توي عروس و مالحقت اتهنى و اكتشف انه عندي ضره وكمان ولد! طبعا اول حل جا ببالي انفصل عنه لأن اعرف نفسي ماراح اقدر اتحمل فكرة وحدة تشاركني فيه ولما قلتله هالشي انهبل وحلف مستحيل يتركني و انه يحبني و و و ، بس انا احيانا اقول انه هذا الحل لأن باقي مابيننا اولاد او شي وتوي عالبر.. طبعا اللي حارقني انه طووول هالفتره وانا ع بالي انه ساكن مع صاحبه و كان يكذب و طلع اتاريه متزوجها وساكن معاها.. ولما سالته ليش خبى علي وماقالي من البدايه قالي انه خاف يخسرني ويعرف اني مابوافق اكمل معاه! بس هذي انانيه يا ناس! حاطني الحين بالامر الواقع ومو تاركلي الانفصال كا خيار!


الحين هو راح يجي خلال كم يوم لأن خاف علي من الصدمه وقالي نتناقش في الموضوع وجه لوجه


المهم انا استخرت وجيت استشيركم لأن الموضوع حساس وماحد من اهله او اهلي يعرفوا وانا ما ودي اقول لاحد.. فاتمنى تساعدوني او عالاقل تدعولي عسر ربي يفرج همي ..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

uv,s ,h;jatj .,[d lj.,[ ugd ,uk]i ,g]

المصدر...