راسي بينفجر من زوجي اخاف انه فيه ايدز

راسي بينفجر من زوجي اخاف انه فيه ايدز

متزوجه من سبع سنوات عندي طفلين

زوجي سافر لرياض وقال عنده شغل ورجع لي وللاسف مادري وش اقول

سفرته اللي بالرياض طلع مقابل حرمه ومسوي معها الحرام انا شكيت بتصرفاته
واخلاقه معي وواجهته ووصلت بيني وبينه لطلاق

لكن سترت عليه عشان عيالي مابي لهم الشتات ونزوة وقالي انها غلطه
لكن قلبي متعبني معه مو ناسيه كل شي شفته بجواله بالحرام ومصور كل شي فديو الله
يصبر قلبي يوميا ابكي من خيانته ومو ناسيتها وهو يحاول جاهد يهدي الامور
وفجاءه نحف بشكل مو طبيعي وبعدين معاه ريحه كريهه لو يتروش تطلغ معه

وبدى يطفح جلدة وصاير تعبان

وبعدين رجعت فتحت معه السالفه مرة ثانيه واني مو ناسيه وانه كيف سافرت لحرمه وش نقصت عليك
به يعلم الله اني ماعمري رفضته بالفراش ابدا

بس ماكان قلبه يميل لي سبحان الله كان يقول فيني عين وسحر وماحب المسك
وشكل من تزوجتك وانتي احد يبيك المهم يتعذر انه مايلمسني

ويوم شاف حالي كل يوم ابكي ومنهارة وكلما ابروح لاهلي يمنعني لاني ماني قادرة اعيش مع خاين

وليت خيانته مكالمات لا فراش اعتذر كثير ووعدني ماعاد يسوي حرام

بدى يشتكي لي من الم بعضلاته وغدد المفاويه ملتهبه معه وجسمه بدى يطفح

ولو يكون متروش الحين تطلع به ريحه كريهه جدا

والله اني شكيت ان معه الايدز وقلت له انا زوجتك سترك وغطاك ماراخ افضحك بشي

ودي اكلمك بموضوع تحلل دمك عن نقص المناعه معك ريحه كريهه وجلده بدى يطفح

تصدقون توقعت بينقلب علي ويهاوشني لاصار وجهه اسود وسكت

وياخوفي وربي انه به ايدز والمشكله من اليوم وقفت فعلا اعاشره ياخوفي ينتقم مني

لان اللي ينصاب بهذا المرض يحب ينتقم بعدين يوم شافني ابكي كثير بلحظة ضعف اعترفلي
وهو جدا حزين قال هذي ماتعتبر اول بنت سويت معها انا بعترف لك

انا امارس الحرام مع بنات كثير وربي اني ماتوقعته كذا بس اللي اعرفه انه يغيب عن البيت ٦ ساعات ٧ ساعات


االلي يعرفون هذا المرض وين اخليه يحلل وكيف اسوي مع نفسي التحليل ومع عيالي لانه قالي انه قبل الزواج يمارس ومتمسك بي ادري انكم تقولون اهربي واتركيه

انا حاليا مصدومه ومو عارفه كيف اتصرف وش اسوي وهو كيف افهمه انه لازم يحلل لاني ماشفت منه مقاومه احس فعلا يبي يتعالج بس كيف اتعامل معه وهل يعدي اطفالي باللمس راسي بينفجر
ركزوا على موضوع الايدز ودي احد ينورني بكلامه الله يفرج همكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

vhsd fdkt[v lk .,[d hoht hki tdi hd].

المصدر...