[من مطبخي] طريقة عمل كعك العيد بالخطوات والصور,بمناسبة عيد الفطر طريقة كعك العيد بالخطوات والصور

ازيكم حبيباتي العدولات كل سنه وانتم طيبين خلاص قرب رمضان علي الانتهاء وحلول عيد الفطر المبارك
فحبيت اعرضلكم طرق عمل كعك العيد بالخطوات والصور عشان العدولات حبايبي
يستفيدوا واتنمي الوصفه تنول اعجاب الجميع
ده شكله النهائي تعالي اتعرفي علي الخطوات خطوة خطوة

او خطوة وهي - المقادير :-

1 كيلو دقيق منخول
ذرة ملح
1/2 3 كوب سمن سائح ( او 3/4 كيلو سمن)
2 ملعقة كبيره سمسم
1/2 1 ملعقه صغيره خميره
3 ملاعق كبيره محلب مطحون
1/2 1 ملعقه كبيره ريحة الكحك
3 ملاعق كبيره محسن دقيق بودره ( ان وجد)
1/2 كوب ماء دافئ أو حسب العجن

ثاني خطوة - الطريقه :-
نضع المواد الجافه علي الدقيق و نخمر الخميره علي جنب بالقليل من السكر و الماء الدافئ

نقدح السمن علي النار جيدا ثم تضاف مباشرة علي الدقيق و نقلب
بالملعقه الخشب كويس لتوزيع السمن في الدقيق كله

ثم تضاف الخميره ثم الماء بالتدريج و نعجن حتي الحصول علي عجينه مثل هذي


ثم تترك لترتاح لمدة 1/2 ساعه
و تشكل بالقوالب أو المنقاش و ترص متباعده قليلا في الصواني غير مدهونه




تترك لتخمر لمده لا تقل عن أربع 4 ساعات
ثم يسخن الفرن الحار و تسوي علي درجة حراره عاليه لمدة 20 دقيقه
او حتي تحمر قليلا من الاسفل و الاعلي
ثم تترك لتبرد كويس قبل نقلها من الصواني

و تقدم مرشوشه بالسكر البودره
و يمكن تعمل محشيه بالحشوه المرغوبه


ملحوظات هاااامه جدااااا
لنجاح العجن

1-عشان الكعك يكون ناعم لا زم نبسه كويس قوى وماء العجن مايكونش كتير لأن المياة
الزائدة هى اللى بتنشفة و فية ناس كتير فاهمة العكس
ان كل ما تحطيله ماء يبقى ناعم وطرى و يستغربوا لما يحطوا ماء و يطلع ناشف.

2- ابقى حطى السمسم ابيض ورشية على وش الدقيق فلما تيجى
تصبى السمن المقدوح قوى حينزل على السمسم يحمصة.

3- لما تخلصى الكحك وتحطية فى الصاجات علشان يخمر
لما تلاقى الكحكة نشفت تعرفى انها خمرت .

4- ماتتقيديش بمقدار الدقيق اللى مكتوب لان نوعه بيختلف
من دقيق للتانى يعنى ممكن ماتستعمليش الكمية المكتوبة كلها
وممكن تحتاجى تضيفى دقيق تانى

5-بنستخدم لكل كيلو دقيق كوب ماء او كوب ونص ماء
لحد ماتلاقى العجينة طرية واتلمت .

6- لما تيجى تنقشى الكحك بالمنقاش وانتى بتنقشى ابقى اضغطى على النقش وارفعى
ايدك بالنقشة لفوق علشان السكر البودرة يبقى ثابت جوة النقشة

7- بنستخدم ملعقة خميرة فورية لكل 4 كوب دقيق

طريقة استخدام الخميرة بيرة

فى كوب اضع ملعقة صغيرة خميرة بيرة وقليل من السكر وادوبها بالملعقة الاول ثم اضع كوب ماء دافىء .



يارب تكونوا استفدتم حبيباتي فلا تنسوني بتقييمكم ودعوة حلوة لاولادي
وكل سنه وانتم طيبين

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...