[هام] .... لا يا نااااااااااااااس المنظر ده ميعديش أبدا......

[هام] .... لا يا نااااااااااااااس المنظر ده ميعديش أبدا...... -
منظر كلنا بنشوفه يا جماعه ..

واحد قاعد فى عربيه أحدث موديل زى الباشا..

وواحد تانى جاى هدومه مقطعه وحالته مبهدله وواقف يمسحله العربيه..

يقوم صاحبنا دايس على زرار ..

ازاز العربيه يتفتح..

ويقوم صاحب العربيه مدي للراجل جنيه ولا اتنين..!!!





فكرتى فى المنظر ده واتاملتى فيه كويس..؟؟!

ربنا بيقولك المنظر ده ميعديش ..!!

ربنا بيقولك :

(انْظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلْآخِرَةُ أَكْبَرُ دَرَجَاتٍ وَأَكْبَرُ تَفْضِيلًا)





بصى وشوفى واتاملى فى الدنيا..

ربنا جعل كل حاجه فى الدنيا درجات..

الجمال درجات..

الذكاء درجات..

المناصب درجات..




وكذلك الاخره..

الميزان درجات..

والمرور من على الصراط درجات..

والجنه درجات..!


الفرق بين الدرجه واللى بعدها زى الفرق بين السماء والارض..!!



تخيلى ندمك هيبقى شكله ايه لو اتحرمتى من انك تبقى فى درجه اعلى فى الجنه علشان حسنه ناقصاكى او سيئة زياده بسبب معصية عملتها ومتبتش منها..؟؟؟


تخيلى انك ممكن تتحرمى من انك تشوف النبى ...؟؟

تخيلى الاسوء من كده بمرااااااااااحل انك ممكن تتحرمى من رؤية وجه الله فى الجنه؟؟

وهو الجنه تبقى جنه من غير رؤية وجه الله عز وجل؟؟؟؟

علشان ايه كل ده ..؟؟!!!

علشان ايه يا جماعه؟؟!!




الناس لما عرفت ان فيه تعيين فى كلية الطب ل 50 الاوائل مثلا..بقى الواحد يقعد 6 سنين يفحت فى نفسه ويذاكر من 50 كتاب ومينمش ليالى ..كل ده علشان دنيا..

انما لما تيجي تقولى الاخره..كله بيقول ربنا يهدينا..!


زى ما بنقول دايما..يا جماعه مش هيتساوى اللى ذكر ربنا 100 مره مع اللى ذكر ربنا 101 مره..

محدش فينا بيزعل على نفسه مره لما يسمع ان حد بيقيم الليل 4 ساعات مثلا ..؟

او حد بيختم القران كل اسبوع مثلا ..

او بيصوم يوم ويوم..

محدش بيقول ليه انا مكنش كدا..؟؟؟

محدش بيفتكر قول الله تعالى (وَفِي ذَلِكَ فَلْيَتَنَافَسِ الْمُتَنَافِسُونَ) ..؟؟


يا جماعه وانت قاعده عمال تضيعى فى وقتك وتقولى انا عايز حاجه تقتل الفراغ اللى انا فيه..!

فيه واحده قاعده بتقرا قران..

وواحده بتدعوا الى الله..

وواحده بتتفقه فى الدين..

وواحده بتذكر ربنا و بتصلى على النبي -صلى الله عليه وسلم..

حسانتهم عماله تزيد وانت قاعده فى مكانك..!





كلنا عارفين اننا هنندم يوم القيامه على كل لحظه ضيعناها ..

والله لو وقع فى قلوبنا الاحساس بالاخره وبأهمية الحسنه يوم القيامه ما كان حد فكر انه يتفرج على فيلم او يسمع اغنيه او يرغى فى الموبايل من غير لازمه او يدخل الشات او ..او ....!!





واخيرا..


قال تعالى :
(هُمْ دَرَجَاتٌ عِنْدَ اللَّهِ وَاللَّهُ بَصِيرٌ بِمَا يَعْمَلُونَ)


أذكر نفسى اولا ...... واذكركم أخواتى

م ن ق ول

[marq="4;up;3;alternate"] السلام عليكم ورحمة الله وبركاته


با رك الله فيكى حبيبتى

اسمح لي ابدي اعجابي بقلمك


وتميزك واسلوبك الراقي وتالقك [/marq]

وعليكم السلام ورحمة الله وبركاته
ماشاء الله تبارك الله موضوع رائع
وطرح مميز اللهم ارفع درجاتنا فى الدنيا والاخره
اللهم ارزقنا الفردوس الاعلى
جزاكى الله خير وجعله فى ميزان حسناتك

شكرا كلامك صجيج اووي

جزاك الله اختاه
على هذا التذكير الطيب هذا والطرح الرائع
وربنا يجعلنا عونا لبعضنا على فعل الخيرات والطاعات
اللهم يا حي يا قيوم
احمعنا في جنتك كماجمعتنا في هذا المنتدي الرائع بغير ميعاد في جنتك يا ارحم الارحمين
واعنا يا الله على طاعتك وحسن عبادتك

وعليكم السلام ورحمة الله وبركاته

جزاك الله خيرًا على النقل الطيب .

جعله الله في ميزان حسناتك .

بسم الله الرحمن الرحيم
جزاك الله خير على هذا الموضوع الرائع
وجعله في ميزان حسناتك
اللهم ارفع درجاتنا في الدنيا والآخرة

بارك الله فيك يا غاليه

[frame="2 80"] كل الشكر والامتنان على روعهـ بوحـكـ .. وروعهـ مانــثرت .. وجماليهـ طرحكـ .. دائما متميزه في الانتقاء سلمت يالغاليه على روعه طرحك نترقب المزيد من جديدك الرائع دمت ودام لنا روعه مواضيعك [/frame]