مشاكلي مع زوجي وقرار الطلاق

مشاكلي مع زوجي وقرار الطلاق

السلام عليكم
اخواني واخواتي احتاج مساعده لأني تعبت من حياتي مع زوجي وحتى هذي اللحظه انا خلاص مقرره الطلاق لكن فكرت أكتب لكم لعل الله يوفقني بنصيحة أحدكم وتكون أفضل من هذا القرار لأني كارهه هذا الشي

اولاً انا متزوجه من ثمان سنوات عمري 35 ومارزقني الله بالذريه
زوجي يحبني ومو مقصر معاي لكن بالفتره الأخيره لاحظت على زوجي سلوكيات مقرفه وبعض المشاكل اللي قلبت حياتي فوق تحت

زوجي بيسافر اليوم وقالي اذا رجعت بسافر انا وياج بس خليني اروح مع ربعي طبعاً انا وافقت لأنه كم مره يسافر غصب عني ولو أسوي كل شي كلامه يمشي بالنهايه انا لاني مابي المشاكل كبرت رأسي وسكت لكن اليوم فتحت موبايله حصلته يبحث عن فنادق تسمح بدخول البنات بشرم الشيخ هو بالاساس كان يبحث عن فنادق بمصر ومن ضمن خيارات البحث كان فيه موضوع فنادق تسمح بدخول البنات ودش عليه صحيح هو مابحث لكن مادش هالموضوع الا براسه هالشي
وانا اصلاً قبل سنه لقيته يبحث عن اعراض الايدز بعد سفرته لتركيا يعني انا متوقعه ان زوجي يدور الحرام وربعه نفس الشي مع انهم بالاربعين ومتزوجين ومناصبهم محترمه وحساسه لكن اللي مو مانعه الخوف من الله مو مانعه شي ثاني

انا لحد الآن ساكته ومتمالكه أعصابي بس خلاص مو قادره أسكت أكثر من جذي تعبت نفسياً وخايفه على نفسي من الأمراض ولا أقدر افاتح احد من أهلي بهالموضوع واشوه صورته بعينهم حتى لو كنت مفكره بالطلاق

الشي الثاني زوجي مهووس بالمقاطع الأباحيه حتى الشواذ يتابعهم مو بس حريم خاصه قبل الفراش الاحظ انه يتابع وهذا الشي يقهرني ويحز بنفسي لكن وقف تفكيري ولا اعرف اتصرف ولا أقدر كيف اواجهه لأني أتجسس على تلفونه وبنفس الوقت مابيه يستحقر نفسه قدامي لأنه حساس حيل وعصبي

قبل فتره زوجي تزوج برغبة اهله مرتين المره الاولى طلقها وهو مادخل عليها بعد ماعرفت خميت عفشي كله ورحت بيت أبوي وقلت له طلقني قال ابوي اللي غصبني على الزواج عشان موضوع العيال وانا مابي الزواج وطلقها ورجعت له أهله بعد هالموضوع قامت قيامتهم وصاروا يسوون لي مشاكل لدرجة ابوه جاء البيت وطردني وقالي ماتوقفين بطريق ولدي وتقطعين ذريته
وخطب له خطبه ثانيه بعد ثلاث اسابيع من طلاق الاولى تميت عند اهلي شهر بعدين زوجي طلق الثانيه ورجع لي هنا أهله جاهم انهيار عصبي خلاص الأم حلفت عليه يطلقني وجاء عندي قال انا بتزوج زواج مصلحه وعشان اهلي وأبي أحط لج بيت قريب من اهلج واقول لأهلي اني طلقتج بس ما اقدر انام عندج اجيج كل شوي لفتره مؤقته
طبعاً أنا رفضت وقلت له خلاص طلقني لأني تعبت من مشاكل أهلك وضعفك جدامهم انا فعلاً تعبت نفسياً وكرهت حياتي من اهله لا ادش ولا اطلع وحتى اهلي صارت امه وابوه يحاسبوني عليها واذا شافوه عندي دقوا عليه تعال عندنا حتى الأكل مايخلونه ياكل عندي يعني امه صارت ضره لي تراقبه ليل نهار وتقط علي حجي بجمعات الحريم وجذي لدرجة ماصرت اروح لحد كلش


زوجي عنده ضعف بالانتصاب والحركه ضعيفه وتشوهات عاليه اكتشفناها بالصدفه بعد ست سنين زواج لما فكرنا نسوي انابيب وانا طول هالفتره كنت احسب المشكله مني المشكله ان زوجي رافض العلاج بحجة ان عنده ولد من طليقته الأولى اللي قبلي وكل مافتحت معه موضوع العلاج ينهار ويعصب ويسب فيني ويقط علي كل شي جدامه صرت اخاف اتكلم معه قلت له العمر يروح وانا قاعده اعاني معاك من كل الجهات زواجاتك اللي دمرتني نفسياً وانت عارف المشكله منك مو مني والزواج اللي بالطريج وبتقطني بشقه بالسر جنه زواج مسيار ومشاكل امك وابوك قالي مو عاجبج بيت اهلج ينطرج وورقتج تجيج قلت اوكي لما شافني حطيت اغراضي قام يهادي فيني ويتأسف وانا اصلاً احبه ومااستغني عنه لكن خلاص نفسيتي مو قادره اتحمل شي ودايم حزينه وابجي واتمنى لو اروح طبيب نفسي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lah;gd lu .,[d ,rvhv hg'ghr

المصدر...