|
|
|
|
|
20th October 2018
|
#1 | |
|
مدير ومالك المنتديان
|
انا قرويه وزوجي راقي
بنات انا متزوجه لي سنتين واعاني مع زوجي واخذت برأي متخصصه بالعلاقات الزوجيه ومافادتني حلولها
بيني وبين زوجي فروق كثيره وهالشي مأثر على حياتي انا قبل زواجي كنت عايشه مع اهلي بمنطقه شعبيه وحالتنا بسيطه وزوجي عايش بالرياض وانسان مثقف واعلى مني بأشياء كثيره كثيره ويسافر كثير وشايف الحياه وانا ماعرف شي ودوم اوقع بالاحراج دوم يتكلم عن اشيا ماعرفها هو واهله ويلبسون لبس مختلف عن لبسي وفيه منهم ينظرون لي اني قرويه واسبب لهم فشيله قدام الناس بلبسي وثقافتي البسيطه لدرجه اني اول زواجي بديت اطبخ وانفخ على عاداتي وهو يضحك علي يقول عروس ليش تطبخين من الحين انتظري وانا أقوم بالواجب وهو مستغرب يابنات الاختلاف بأشيا كثير صار يعيب على لبسي بالبيت ويقول غيري عن هالملابس ابي لبس انثوي وابي دلع شوفي خواتي أناقتهم وش يلبسون وهم مو متزوجات وأنتي متزوجه وعند زوجك وماتعرفين تلبسين حتى اول ماتزوجت حملت وامه قالت لي كان صبرتو وتهنيتو بحياتكم مع بعض احسن البنت ماتحمل على طول وانا انصح بناتي اذا جاهم نصيب ينبسطون بعدين يفكرون بالحمل وراك مستعجله وبعد ماولدت انحرجو من استقبالي للولاده وقامو يجيبون ورد ويحاولون يزينون المكان قد مايقدرون ويتأففون بوجهي وش هالذوق ومافيه تناسق وذوق قديم ومن هالكلام وإذا صار عندهم عزيمه وبيجيهم ناس يجيبون لبنتي لبس يقولون لا تلبسينها على ذوقك لدرجه انهم صارو يسحبون بنتي لهم وتقضي وقت طويل معهم وزوجي يقول احسن انا ودي خليها تاخذ اسلوبنا وعاداتنا انا شرق وهم غرب صابني احباط واهلي ماراح يفيدوني بشي لو استشرتهم عاداتنا وكل شي غير عن اهل زوجي كنت اول زواجي احسب هالموضوع بينحل ولكن حتى اليوم ماتغير شي اول زواجي ركبت السياره وانجيت لانها مو مثل الي عند اهلي بس ماتكلمت وهو لاحظ قالي لازم تتعودين على حياتنا ودوم يدقني بالكلام بسلوب محترم انه هو اعلى مني وافهم مني واني بسببه عرفت هالاشياء وقبل فتره فتحت مشروع اطبخ من البيت وفرحت بهالمشروع وزوجي فرح لانه صار مايجلس بالبيت ويطفش من اسلوبي وسوالفي ويوم عرفو أهل زوجي عن مشروع الطبخ عصبو قالو لي ليش ماناقصك شي وملينا منك وقالت لي اخت زوجي ترانا مانبي الي حوالينا يعرفون انك تطبخين وتبيعين اذا صار فيه احد لاتتكلمين عن هالموضوع عجزت احسهم من كوكب وانا من كوكب مابينا شبه بشي واحس ان زوجي حتى هو تعب من هالاختلاف وان مابينا انسجام وشي مشترك رغم انه قبل الزواج يوم تملكنا قالي انا محظوظ انتي وحده حلوه ومربيه ومن من بنات هذا الزمن والحين طفش مني وصار يلمح بالزواج رغم اني محترمته واطبخ واسوي كل شي حتى وانا تعبانه واتوحم حاشمته وحريم اخوانه مدلعين ارواحهم وشايفين انفسهم ومايراعون بيوتهم ورجالهم من كثر الطلعات وهم الي صاير لهم قيمه وكل سوالفهم عن السفر والماركات واش اشترو وكل سنه يعدلون ببيوتهم ويصرفون فلوسهم ازواجهم حتى اهل زوجي يقدرونهم اكثر مني وانا حاشمتهم وحاطتهم على راسي ومحتسبه عند الله بس ليش التلميحات عن الزواج وانا لي سنتين متزوجه واهل زوجي ماعندهم مانع بموضوع زواجه علي سالته وراه يفكر بهالشي قال انا تعبت ماتشوفين الفرق بين خواتي وبينك تدلعي البسي تعطري اشتري لبس نوم جديد انا ابي وحده تهتم بنفسها واحس بأنوثتها مو بس تحمل وتطبخ وتنظف صار مايعطيني حتى مصروفي لاني من تزوجت ماطلب منه شي الا اذا وداني لاهلي اخذ منه مصروف تغير علي يابنات كل يوم يمر يتغير حتى الكلام الزين ماعاده يقول ويطلع من البيت ولا يرجع الا متاخر يروح بيت اهله وياكل عندهم ويقعد معهم وبالليل يطلع مع اصحابه والله اذا طلعنا لمطعم يقوم يطالع بالبنات ويقول شوفي تعلمي يابنات يبيني اكل بالشوكه والسكين وانا شكلي يطلع يضحك ماتعودت يعني مختلفين بكل شي رغم انه مرات يقول انا احبك بس احسه متحسف انه خذاني ويقارني دوم بخواته وحريم اخوانه وحتى اذا طلعنا يقارني ويطالع بالبنات وهو ماكان هذا اسلوبه ابي منكم تنصحوني المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين hkh rv,di ,.,[d vhrd المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض المتطور
