تغيره علي بعد رجعته من السفر

تغيره علي بعد رجعته من السفر

السلام عليكم ورحمة الله

موضوعي مع خطيبي ( بفترة ملكة ) لنا 8 شهور كان معاي تمام صح مو طول اليوم لكن صباح الخير و تصبح على خير صارت مثل الفرض عندنا يوميا و يتخللها سوالف واتساب و مكالمات و ماشين مافي احلى منا لحد يوم سفرته مع امه و اخته قلت طمني عنك برساله ولو حصلت فرصه تكلمني باي شي انتظرك ( كنت ما ابي اضايق امه و اخته لانهم مو متقبليني و لا حضرو الخطبه و لا الشوفه و لا الملكة وما كانو يبوني و بقية العائله حابيني و متواصلين معي و انا من اختياره فقلت مو لازم يحسون و يفهمون اني ناشبه كلها ايام و يرجع لي ) خطيبي طبعا وصل و كان يدخل الواتساب و لا كلمني و لا طمني و انا قلت اهم شيء اتطمنت ما راح اسوي شيء من لا شيء لحد اليوم الثاني و
اتوقع لما شاف اني ادخل و لا عبرته كتب لي صباح الخير ترى وصلت ( طيب انا داريه انك وصلت من امس ! ) رديت رد عادي و سكتت بعدها جلس أسبوع بالسفر و لا كلمني برساله و لا واتساب و لا شي رغم انه يدخل و يطلع و لا كلمته و تركته قبل الرجعه بيوم كتب برجع بكره قلت طمني اذا وصلت و بعدها اختفى من الواتساب يوم كامل وبيوم الرجعه دخل كتب وصلت
بروح اجلس مع اهلي و بنام قلت طيب و الحين لنا أسبوع من رجع ما يكلمني و لا صباح خير و لا شي و لا يكلمني ابدا و لا بحرف



لا تقولون مشغول لان ما عندنا شغل و لا عندنا ترتيبات زواجنا موعد فقط مجرد تاريخ مافيه أي أمور و ترتيبات و انشغال و اصلا لو فيها هو مقضيها مباريات و جلسه على الواتساب و نوم و استراحات و انا ما قد قلت له شيء و لا ضايقته مستغربه تغيره المفاجىء معي
حاولت أكلمه بخصوص يوم الزواج محاولة مني يعني اعرف الوضع كانت ردوده جامده و هجوميه علي مع ان مافيه شيء يستدعي هذا كله انا مشغوله بأموري و طلعاتي يعني لحد يقول فاضيه و مستقعده له بس فتراتنا اللي من 8 شهور فاقدتها !
الرجال متغير تدرون لو يرسلي ورقتي الحين ماراح أنصدم من جموده معي الايام هذي مدري وش صار له فجأه كنا شيء و لا بالحلم من وقت من احترام من لحظات من اشياء متعودينها من بعض وش صار له سألته من اول يوم فيك شيء هب بوجهي و قال مافيني شيء ليه الا غصب تحطين فيني
مع ان سؤالي كان عادي و كلامي الهجومية بردوده و كلامه علي ليش يعني حتى لما صار معنا سوء تفاهم قبل عمره ما كان كذا !
وقفت تجهيزي و ووقفت كل شيء احس مو واثقه اننا بنكمل مع بعض طبعا مو مني منه احس اتخيله من كثر تغيره و كثر جموده و انه مو طايقني بيجي بيقول ننفصل
نفسيتي جدا سيئه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jydvi ugd fu] v[uji lk hgstv

المصدر...