بعد سنتين من الطلاق اكتشفت

بعد سنتين من الطلاق اكتشفت

زوجتي كانت ونعم الزوجه اخلاق وادب واحترام والله مااذكر اني ناديتها ردت بغير لبيه ولا امرتها بشي ماقالت ابشر كانت8سنوات من اجمل ايام عمري رغم بعض التقصير ف الاهتمام ف البيت احيان وانبهها وترجع افضل من قبل ..اخواتي متزوجات اخوانها فجاءه تزوجو اخوانها على خواتي وبدت حرب الحريم يبون يزوجوني او تطفش وتروح او اطلقها وكانت نادر ماتشكي لي واطنشها واحيان لاجا عندها عزيمه اقول اعزميهن واذا ما عزمتي روحي بيت اهلك ماكنت ادري عن التفاصيل او ماكنت اصدقها الاصح. اذكر مره جتني تبكي مره ماانساها وحنا طالعين في شاليه لاابوي اختك تقول انتي تتجسسين علينا عيب والله عيب وتصيح هاوشتها وقلت ماجاك عداله ولا شي عجبك والاتبين بيت ابوك جهزي اغراضك ..((غرفتنا كانت جنب غرفه خواتي))ببكت بكت الين نامت وهي جنبي ..اذكر كنت اكلم ولدها اخوفها اقول امك بتروح لااهلها وانتم اجلسو عندي...مررت الايام مشاكل الحريم معاد تقول لي عنها ابد. كنت اجبرها تروح لهم احيان واحيان اللي مايروحون لهم خواتي امنعها ماتروح ..اقنعوني اهلي اتزوج ملكت وجتني وقالت ي فلان الوجهه من الوجه ابيض صبرت على خواتك وماعندك زوجه واللحين انت وخواتك وزوجتك قضي الامر ابي ورقتي والله يوفقك هذا كلامها بالحرف ماعاد اقدر انا احبك بس تعبببت وديتها اهلها نفسي اني طلبتها تجلس او تعذرت منها او قلت سامحيني.لكن ياليت معاد تنفع خليتها سنه معلقه وبعدها قالو طلق وطلقت كنت احن لها كثير وتصير مشاكل عشان ذكرياتها معي بس كنت قاطع الامل اني ارجعها لان اخذت عيالي وهي تبكي وطلبني ابوها وامها وبكت وطلبتني اخليهم وخذتهم ومنعوها ترفع قضايا مايبون مشاكل ..المصيبه اللي ابي اوصل لها اللحين ....

ا اني بعد2سنتين من هذاك اليوم قريت رسايل لخواتي في جوال لاامي قديم اخذته باابيعه وليتني ماخذته ..في قروب. كلها خطط كيف يخلونها تروح اشيا والله والله وانا رجل شاب شعر راسي كيف هي كانت متحمله اشيا ماتخطر على البال كيف يكرهوني فيها وكيف يخلونها تترك بيتها اهانات لها عند الناس واحراجات. وكل وحده تقول وش سوت ويضحكون عليها ويسجلون طقطقتهم عليها ويرسلون لبعض سب في اهلها واخوانها كيف يسوون السالفه ويقلبنها على زوجتي ..سوالف تشيييب الرضع قسم بالله...زوجتي اعرفها كانت طيبه ومستحيل ترد على طول تنزل دمعتها وانا كنت بصفهم اذكرهاشكت لي يمكن مرتين ثلاث بعدها صرت الاحظ عليها تتضايق بس صابره،..انا لي يوميين مارجعت البيت من هول ماقرأت والله لو اكتبها ان تقولون هذول مو مسلمين يهود معقول هذول خواتي وانا كنت مغيب والا انا ظلمتها معهم بعد ..والا امي عارفه وساكته ماخافت من الظلم ..مشتت تفكيري مدري شسوي مدري كيف اتصرف محتاج صاحب راي سديد يوجهني
للم طلقتي عمرها الان26 تزوجتها وهي تبلغ17عام عمري الان30

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

fu] skjdk lk hg'ghr h;jatj

المصدر...