احبه ويحب غيري وكنت سبب في هدم حبه ساعدوني

احبه ويحب غيري وكنت سبب في هدم حبه ساعدوني

السلام عليكم ...جمعة طيبة
اتمنى تقرون قصتي اكثر من مرة ولاتهاجموني وخلوكم بموقفي وتساعدوني
انا عندي ابن عم من صغري بالدراسة واهلي يقولوا لي انت لولد عمك وهو سافر للدراسة برى البلد وازورهم كثير واخواته مثل اخواتي اصلا انا وحيدة بين اخوان
وامي ميتة الله يرحمها وكانت تقولي انتي لولد عمك فلان
ووصل عمري 26 سنة ولاتكلم عمي بالموضوع وابوي ساكت قال مصيره بيخطب حنا اهل ونفهم
وبيوم من الايام كنت عندهم وجمعة اهل وحنا نكشف اصلا ومع السوالف قام يتكلم يقول عندي موضوع مصيري حاب اكلمكم فيه دام العيلة متجمعة قام جدي قال قول نسمعك قال قررت اتزوج ووقتها فرحت وابوي يطالع فيني بفرحة قال جدي خير وبركة هذا اليوم اللي ننتظره متى تحب الزواج
قال بالاول اخطب وبعدين ربي يكتب الخير قال جدي مافي رسميات انتو عيال عم قام قال ابن عمي انتو فهمتم غلط انا بخطب وحدة ثانية
وقتها كأن احد صفقني بكف قام جدي قال مين انت صاحي قال ليش ياجدي فين الغلط قام عمي اللي هو ابوه قال مين هذه قال اخت صاحب لي تعرفت عليه ايام دراستي وزرتهم اكثر من مرة وودي اخطب من عندهم واختي تعرفت عليهم والمواصفات اللي خبرتني فيها هي اللي ابغاها
قام جدي قال اسكت ياكلب وبعد لك وجه تتكلم ماراح تتزوج غير بنت عمك محجوزة لك من عشر سنوات
قال وانا من اول قلت لكم هي مثل اختي وسالفة الحجز هذه ظلم لها ولي ومااشوفها اكثر من اخت
وصارت مشكلة وقتها وابوه يحاول يهدي الموضوع وابوي زعل ومن بعدها العلاقة توترت وجدي قال لو تزوجت نقطع العلاقة وتكلم على عمي اللي هو ابوه قال له لو ولدك تزوج غير بنت اخوك لا انت ولدي ولا انا اعرفك
وصارت مضاربة وابوي قام يضرب ولد عمي اللي هو ولد اخوه وقال له انا مو راضي وولد عمي يقول والله اللي يرضى يرضى واللي مايرضى يبلط البحر باخذها ولايهمني رضاكم ومع المضاربة مسك السكين وطعنه :(
ودخلنا بمحاكم وابوي دخل السجن وعمي رفض التنازل عشان ولده وتدخل كبار العيلة عشان التنازل وتنازل بعد فترة قرابة شهر وغرامة وتعهد خطي بعدم التعرض لابنه او احد من عيلته
طبعا عمي وزوجة عمي عارفين بموضوع ولدهم وحصلت خطبة سرية بينهم يوم شافها عشان كذا اشوفه مصمم ياخذها
ومرت ثمان سنوات على هذا الموضوع ودخلت بالثلاثين والموضوع متوتر جدا بيننا وحاول يزور عمي وولده جدي لانه ساكن معانا ولارضي يشوفه وقابلته صدفة قلت له هي احسن مني في ايش قال وهو مايطالع فيني قال انتي اختي وع العين والراس لكن الزواج قسمة ونصيب ونصيبك مو معاي وبتلاقي احسن مني
قلت له طيب انا شاريتك مارد وراح
طبعا نسيت اخبركم ان ابوي وجدي خربوا عليه الخطبة وماتمت والله مااعرف شنو اللي عملوه بس عرفت من ابوي ان خطبته من البنت اللي يبغاها فشل بخطة منهم
وعمي قطع علاقته بنا مررة ولافي اي زيارة حتى اخواته قطعوا علاقتهم فينا قالوا سببتم مشاكل لنا عشان زواج خلاص كلن في حال سبيله كفاية اللي جانا منكم
وهو ماتزوج للان بس سافر يكمل الدكتوراه ونجح في مشروع وكون له شركة تجارية
ساعدوني هل ممكن بعد هالعمر ممكن يفكر فيني ويخطبني انا ماابغى الا هو ولا رفضه للزواج عشان ماضيه لان طبعه عنادي اذا صمم على شيء
افكر اعتذر له واقوله اني مثله ضحية مو ذنبي اني انتظرته وينسى الماضي واللي صار من ابوي ونتزوج :pensive:
تتوقعون يقبل ويلين بعد كل السنوات ولا قلبه للحين يحن لماضيه :pensive:

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hpfi ,dpf ydvd ,;kj sff td i]l pfi shu],kd

المصدر...