تعقيب للمره الاولى انشغال الزوجه

انشغال الزوجه

السلام عليكم
اشكر لكم من كل قلبي تعقيبكم على موضوع انشغال زوجتي
http://forum.z4ar.com/f116/t545987.html


انا حببت اوضح كلام مهم … زوجتي طموحه جداً وما توقف وشخصيه قياديه وهذا طبعها
وانا تفاهمت معها بدايه الزواج قبل 8 سنوات ان ماعندي مانع على وظيفته واكمال دراستها وانا ساعدتها على هذا الشيء ودعمتها حتى كملت الدكتوراه لكن للاسف كان على بالي انها راح تقدر وتتفرغ لنا لكنها قالت لي انها ما راح توقف عن طموحها ولازم اكون معها او يكفيها انها خلفت بنتين وولد ولا عاد تبي اولاد … بيت لها اني متضايق مررره من هذا الشيء وانها مو ناقصه لا فلوس ولا منصب وحتى انا بعد قالت لي انا اختلف عنك وانا منطلقه للحياه مو مثلك خامل وغير طموح …. واذا تناقشت معها زياده وطلعت غلطانه تقلب الطاوله علي فما ينفع معها الا اسلوب الاقناع وهي طيبه ينفع فيها الاقتاع وتقتنع لكن ما تستمر وتقول انا ما اقدر …. قلت لها انا اعطيك اللي تبيه بس هدي شوي اللي جالسه تسوينه قالت هذا اللي انا خايفه منه انك تعيق طموحي واهدافي …. كلمت ابوها وامها وللاسف مالهم سلطه عليها لان شخصيتها قويه ولا يقدرون يفرضون رأيهم عليها ولا لها طريق الا الحوار المحترم المقنع ….
المشكله الان انا في حيرة من امري لاني داخلياً متضايق واحس تني بديت افقد قيمتي كرجل للاسف

شخصيتها قياديه واي واحد مهما كان ما يعاملها باحترام وباسلوب سواء انا او ابوها او امها او حتى صديقاتها الخاصات يقولون لها تعامل خاص واذا اعطيتها جوها تحصل اللي تبي لكن تخسر قيمتك بالذات اللي مثلي زوجها

وعيالي تهتم فيهم وتعليمهم وصحتهم لكن ما تشوفهم الا وقت الاكل فقط وباقي الوقت مشغوله

المشكله الان بدأت تطلع اعلامياً في اكثر من مكان وبدأت تنشغل اكثر واكثر لدرجه اشوف الالاف رسائل الواتس اب يومياً

فاحتاج مشورتكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hkayhg hg.,[i

المصدر...