نصائح لراغبى السفر للخارج

نصائح لراغبى السفر للخارج

اهم‬ النصائح فى التعامل مع مكاتب السفريات لراغبى السفر للخارج

1- اعمل ايه لما يطلبوا مبلغ قبل التاشيرة ؟
متدفعش أى مبالغ مالية قبل التأشيرة ولكن فى بعض المكاتب بتطلع عربون ودا بيرجعلك انت ،بس قبل ما تدفع العربون لازم تسأل عن المكتب وتعرف سمعته .
ومتدفعش عربون كبير ، وعلى قد ما تقدر متدفعش اى فلوس قبل ما تاخد التأشيرة .

2- تذكرة الطيران بتكون عليك ولا على الشركة ؟
المفروض في الاول تذكره الطيران علي الشركة اللي متعاقده معاك ده لو شركة محترمة وفي ناس بتقولك ان التذكرة بتدفعها انت وبعدين تديك الفلوس لما تيجي وناس تانية بتقولك التذكرة اللي في الاول ده عليك ، لكن فى النهاية التذكرة بتكون على الشركة سواء بتحجزلك او بتديك بدل .

3- اعمل ايه لما امضى العقد ؟
أول حاجة أوعى تستعجل فى الامضاء وأقرأ العقد كويس جدا جدا عشان ممكن يكون البنود فيها اى حاجة مش فى مصلحتك وانت مش واخد بالك .
ثانى شئ ودة بالنسبة للسعودية لازم العقد يكون موثق من الغرفة التجارية السعودية .
وكل اللى تتفق عليه لازم يكون مكتوب فى العقد زى تذاكر الطيران ،الاجازة بتكون كام يوم ، تاريخ بداية ونهاية العقد ، البدلات ، الأقامة سواء كانت سكن أعزب أو عائلى ، وطبعا التأمين الصحى ده شئ اساسى ولو مفيش تأمين صحى متطلعش احسن .
وطبعا بيبقي ليك مكافاة في نهاية الخدمة مش نهاية العقد وبيبقي منصوص عليها طبعا في العقد .
ليك بدل مواصلات لو مش هيدوك سيارة
لو هيسكنك يبقى مفيش بدل سكن انما لومش هيسكنك بيبقي ليك بدل سكن تلات شهور من الراتب الاساسي .
وعلى فكره هما مجبرين يعملو ليك تامين صحي والدول فارضه علي الشركات السعودية كده عشان محدش يضحك عليك ويقولك التامين عليك .

4- عاوز اعرف نظام الدوام ؟
قانون مكتب العمل السعودي محدد عدد ساعات اسبوعيه للعمل ويوم الجمعه اجازة رسمي اشتغلت عدد اكتر من 8 ساعات المحددة من قبل مكتب العمل تاخد اجر اضافي ولو اشتغلت الجمعه باجر اضافي
وركز في النقطة دى في العقد

5- ازاى اتفادى اى مشاكل او اخطاء موجودة فى العقد ؟
حاول تسأل اى حد سافر قبل كدة وتوريله العقد أو ممكن تسأل محامى يكون عنده خبرة فى الموضوع دة .

6- المسمى الوظيفى وفيزا العامل ؟
اهم شئ لازم تعرفة المسمى الوظيفى بتاعك اللى انت طالع عليه ،بمعنى انت رايح تشتغل ايه ، وفيزا العامل مبيكونش ليها استقدام يعنى مينفعش تبعت لأى حد من اسرتك ،والتغيير بعد كدة ممكن يسبب مشاكل ،فحاول بقدر الامكان تطلع على المسمى الوظيفى الحقيقى اللى رايح تشتغله .

7- المرتب وأقل مبلغ ممكن أعيش بيه ؟
طبعاً المرتب بيختلف على حسب الوظيفة وعلى حسب المهنة او سنة التخرج وحسب الشركة اللى هتشتغل فيه سواء كانت شركة كبيرة او صغيرة .
أما بالنسبة للمبلغ اللى ممكن تعيش بيه ، فبيكون على حسب البلد اللى انت رايحه ودة لازم تسأل عليه ناس من المقيمن فى البلد دى ولو ملكش حد فى البلد اللى انت رايحها ممكن تسأل فى أى جروب على النت اكيد هتلاقى ناس تفيدك .

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: العمل - التوظيف - العمل و العمال - توظيف - وظائف

kwhzp gvhyfn hgstv ggohv[

المصدر...