اختي اللي اصغر مني و زوجي

اختي اللي اصغر مني و زوجي

السلام عليكم
بشرح بداية عشان يتضح لكم مشكلتي انا ترتيبي من البنات الثانيه اكبر مني اخت و متزوجه و الفرق بيني وبينها 10 سنين و كبرت و هي ببيت زوجها يعني علاقتنا مو مره وحده انشغلت ببيتها بعدي بالترتيب اختي اصغر مني بسنتين و بعدها اخت اصغر مني بخمس سنين طبعا اللي بعدي بسنتين طبعا انا غير طبع خواتي كلهم ما احب المشاكل و مسالمه و اسكت و اتحمل حتى لو ينوخذ حقي و استحي اغلط على احد حتى لو يغلط علي حتى لو اصغر مني من كنّا صغار طقاق خواتي الثنتين اللي بعدي اذا جبت شي خذوه مني و على اني اكبر منهم يا ما انضربت منهم حتى دروسي كنت متفوقه و يتم تكريمي على مستوى المنطقه بتفوقي و مثاليتي و كانو اذا رجعت انطق و يشققون شهاداتي و يأخذون الهدايا و يغلطون على الصغير و الكبير و على امي و ابوي و لا ينقال لهم شيء ابدا لحد ما كبرنا كانو صديقاتهم يبون يخطبوني لاخوانهم و كانو يشوهون سمعتي أختهم سمعتي من سمعتهم يخربون علي عندهم عشان زواج !
المهم تملكت قبل فتره من تملكت انهبلوا الثنتين و صاروا يحرشون ابوي و اخواني علي اذا كلمني و اذا جا يزورني و يقولون ان نسمعها اذا كلمته تسولف معه بقلة ادب و تجيبه اول شيء زوجي ثاني شي زوجي محترم و لا يسويها و انسان معروف و اذا جا يجي بجية اهلي و يحسب حساب لأبوي و اخواني و عادة المكالمات و الزيارات و الطلعات مع الخطيب بالملكه مسموحه عندنا من سنين خلو ابوي يسحب نص مهري مني مع اني والله احتياجاتي كثير خاصة ان الزواج علينا اذا جيت اجهز نشبو لي بالسوق و حركات المريضات يطيحوني يدفون و يمسكون ملابسي الخاصه و يفرشونها بالصاله قدام اخواني و ابوي غير دعاويهم جعلك تتطلقين جعل امرك ما يتم و مراقباتهم لي بالواتساب دخولي و خروجي على أساس يشوفون متى كلمته و انهيت و مسوين حزب بالبيت ما يكلموني و غير التراب يجمعونه من الحديقه و يكبونه على تجهيزي و اختي الصغيره هذاك اليوم سمعتها تقول هذي كفو ياخذها واحد منصب وولد عايلة شيوخ والله ما تهنى فيه و انا بطلع عليه اخليها تطيح من عينه انا ماهمني لان عارفه هي اقل من عاديه و لا هي ذاك الجمال لا بلون و لا ملامح و لا جسم و عندها مشاكل بشكلها من شعرها المتساقط بسبب مشكله صحيه بس كيف تفكر هالحقد علي ليه الناس فرحت لي و هي تبي تخرب علي و امس لقيت رقم زوجي ماخذته من جوال امي عندها و مجهزه رساله بترسله له وش اسوي تكفون
لا تقولون دخلي اهلك لان ابوي زعلان انه مأخذا مهري كله و خذا نصه بس و امي زعلانه لنفس السبب مع انهم خذو أطقم الذهب من هدايا زوجي و هدايا صديقاتي و باعوها و مهري الباقي 20 و يالله يكفي و امي كانت مديرة و تقاعدها عالي يعني مهي بلمي ابد كيف أتصرف زوجي انسان مستحيل القى مثله و ما أبغى اخسره بسببها

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hojd hggd hwyv lkd , .,[d

المصدر...