انتي عملتي ايه؟؟

أيون أنا o_O

أنا اللي بآكل مع وﻻدي من كيس الشيبسي ^-^

أنا اللي بأجيب لنفسي شوكوﻻته معاهم وآيس كريم كمان^^

وأنا اللي بآخد العيدية بتاعتهم في العيد واصرفها

وأنا اللي كملت الواجب بعد ما إبني نام وقلدت خطه وعملته مكسر
علشان المدرسة ما تاخدش بالها
(استغفر الله العظيم سامحني يا رب) ^-^

وأنا اللي كنت وهم صغيرين بأتفرج معاهم على الكارتون
(كنت بأشوف البوكيمون وأبطال الديجيتال وبأغني التتر معاهم)

وأنا اللي كنت بألعب ماريو بعد ما ينامو ووصلت ليفيل حلو
(وصلت لحد التنين وحررت الأميرة .

وأنا اللي ضربت إبني على إيده وبعد ما نام عيطت
وضميري أنبني وقعدت أبوس فيه وقلت مش حا أعمل كده تاني .

وأنا اللي باتسحب وأقص ضوافره وهو نايم.

وأنا اللي أول ما إتجوزت حرقت الأكل.
و ما كنتش بأعرف أعمل القلقاس واتصلت بصاحبتي واتعلمت.

وأنا اللي نسيت براد الشاي على النار واتحرق ..

وأنا اللي جوزي جابلي براد بيصفر بعد ما حرقت كذا براد
واشترى لي تايمر علشان يرن بعد 5دقايق
وأخيرا قررت استخدم الغلاية( أأمن)

وأنا اللي أول ما اتجوزت كنت بأكسر الكبايات وأنا باغسل المواعين
و زوجي ساعتها بقى يشترى كل شوية 6شبه بعض
ويقول لي علشان تكسري براحتك♥

وأنا اللي حطيت لبس بيطلع لون مع لبس زوجي وبوظته

وأنا اللي كبيت الشاي على اللاب توب الجديد بتاع زوجي وأنا بأقدمهوله

وأنا اللي حرقت المكنسة الكهربائية

وأنا اللي عملت تورته فاشله
وفضلت آكل منها لوحدي وما كانتش بتخلص. (من حلاوتها طبعا)

وأنا اللي مش باحب حد يشوفني وأنا بآكل المانجه

(بتبقى مذبحة)

(وباحب البطيخ)