كيف أتزوج؟

كيف أتزوج؟

السلام عليكم ورحمة الله وبركاته

اتمنى من إدارة المنتدى تنزيل مشكلتي ، وجزاكم الله خير
انا فتاة على مشارف الثلاثين يئست من موضوع الزواج وأصبحت اشوف
ان الموضوع صعب جدا او اني خلاص مستحيل اتزوج ، وهذا مو من قلة الخطاب
لكن احس فيه شي مو طبيعي بيصير بحياتي ، ناس كثييير يجوا يخطبوني
لكن للاسف إما تصبر مشاكل من عندنا أو من عندهم أو يجي خاطب مو مناسب
وطول عمري على هذا الحال إلى أن وصل التفكير فيني اني استصعبت الزواج واشوفه شي مستحيل عليا
مستحيل اكون مثل البنات واتزوج، يعني اتذكر اول خاطب جاني وانا بعمر ١٨ اهلي قالوا صغيرة وما عندنا بنات للزواج
وبعدها جا خاطب ونفس السبب وفي كل مرة قلبي ينكسر ، وبعده جا خاطب وقبلنا فيه لكن اهلي اختلفوا مشكلة من لا شئ وراح ، ثم جا خاطب عشان امي ما تحب امه رفضته ، وبعدها جا خاطب مليان عيوب واهلي وافقوا وانا طبعا رفضت لاني ما ابي اضيع عمري مع واحد مثل ذا ، وجا غيره واحد مثله ووافقوا اهلي وكمان رفضت لانه سيئ وبدأت استغرب كيف اهلي يوافقون على خطاب مثل كذا كأني مو بنتهم أو يبغون يتخلصون مني !!!
وبعده جا واحد مناسب وصارت مشكلة ، وانا ضائعة بينهم ، اذا اخترت واحد ووافقت عليه يقوموا اهلي يرفضوه واذا هم اختاروا واحد انا أرفضه لأنه سيى وعيلة ما تشرف ولا نسب ولا اخلاق استغرب ليش يصير معي كذا ليش انا من بين البنات
بالمختصر اذا جاني خاطب زين رفضوه واذا شين قبلوه ولا يعطوني حرية الاختيار
ما اعرف هي عين ولا حسد صايبتني ليش يا ربي يصير كذا معي ليش اذا قبلت واحد اهلي يرفضوه رغم أن ما يعيبه شي واصل وفصل وعرق وتناسب وكل شي تمام ، واذا جا شخص سيئ وقليلات اللي يقبلن فيه اهلي يقبلوه علي ليش ، انا ما اقدر اتزوج اللي ابيه صحيح لكن اقدر أرفض اللي ما ابيه انا تعبت والله تعبت ما اعرف ليش حظي كذا خطاب كثير لكن مافي نصيب ، احد يدلني أو أحد يدعي لي بظهر الغيب حياتي فيها نكد وهموم ومشاكل وبيئة مافيها اي نوع من التفاهم وابي ارتاح ابني بيتي واشوف ذريتي بعيد عن المشاكل ارجوكم ساعدوني انا ضايعة ماني عارفة إيش فيني هو حسد هو عين ولا ايش السبب يصير كذا ، فيه أهل يقبلوا واحد فيه كل السيئات لبنتهم؟ مو قادرة استوعب اللي قاعد يصير وعمري بيمشي وانا انتظر افرح مثل غيري واكون راضية عن اللي اتزوجه ويكون مناسب ، مع العلم أنا ما عندي شروط لا بالمهر ولا بشي ، اهم شي اتزوج واحد مافيه عيوب وسمعته زينة

عشان ما احد يقول انت يمكن شروطك صعبة انا ما يهمني غير أخلاقه وسمعته وانسان محترم
ما عندي شروط ابد غير اني اختار اللي ابي اعيش معه بس

ساعدوني بحل أمانة عليكم دوروا لي عن حل انا طفشت ومليت من عيشتي

ارجوكم نزلوا مشكلتي يالادارة :cry:

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;dt Hj.,[?

المصدر...