هل لي حق في مطالبي وهل له حق بهذه المعاملة؟!

هل لي حق في مطالبي وهل له حق بهذه المعاملة؟!

السلام عليكم
عيدكم مبارك وكل عام وانتم بخير
متزوجه من ١٠ سنوات عندي ٤ أطفال عمري ٢٨وزوجي ٤٠* ماخذني بعد قصه حب كنت صديقه بنت اخته ايام الثانوي وقتهااشتغل سواق لبنت اخته يوديها ويجيبها من المدرسه عشان يشوفني ويوديها بيت اهلي وينتظرها ويوم اللي بزورها يجلس عند بابهم وابتسامات ورسايل حب وحط حرفي على سيارته ووو* وبعد هالحب تزوجنا والصدمه زوجي بخيييل معانا انا والأطفال والبيت
وعلى نفسه كريييم يعني مستحيل يحرم نفسه من شي ملابس عطور* من اغلى المحلات وساعات و جزم
وطبعا يتسوق بدون علمي يطلع من الدوام ويتقضي ويخلي أغراضه بشنطة السياره وينزل كانه ماراح وتسوق واذا شفته لابس ساعه* مثلا وسألته عنها يقول ماخذها او متسلفها من اخوي او شفتها علي واحد في الدوام وسألته من وين وقالي وحلف علي آخذها وكذب انواع وأشكال
في البدايه كنت اصدقه بعدين خلاص عرفته وكشفت كذبه
اوقات ينسي الفواتير بجيب البنطلون واكتشف مشترياته واسكت انتظره* واشوف الفلم* الجديداللي بيخترعه
واذا لبس اللبس الجديد امدحه واقوله ماشاء الله كاشخ حبيبي وبالعافيه عليك* يقولي هذي ملابس أخوي شفتها ببيت اهلي واعجبتني وأخذتها او ملابس من زمان لي قبل الزواج وجبتها وفي بدايه زواجنا كان يخبي ملابسه والأشياء الجديده اللي يشتريها عند امه قبل لايصعد لشقتنا* لاني كنت عايشه عند اهله*
وكل هدا عشان مااطلب منه شي بحجه انه هو بعد حارم نفسه ومايشتري لنفسه
اوقات اقوله ابي اتقضى ملابس لي والعيال يعصب ويرفع صوته علي انتي فاضيه وانتي ماتعرفين الاولويه* وش رايك اترك الاشياء المهمه واشتريلك ملابس روحي شوفيلك شي اشغلي نفسك فيه بدل مواضيعك الفاضيه
اعبدي ربك وقابلي عيالك وكل هذا بصراخ يوصل لسابع جار. والله العظيم اني حاولت بكل الطرق وبينت له اني مو زعلانه انه يشتري لنفسه عشان مايخبي ويكذب وصرت امدح ذوقه ولبسه واهو مصر يلف ويدور
وعصبت وصرخت مثل مايصرخ* وقلت له احنا مسؤوليتك ومفروض تصرف ومفروض تعطيني مصروف* وتشتري لنا وكيف ترضى اولادك يكون شكلهم مو مرتب وملابسهم معدومه وجزمهم مقطعه* يقول كل اللي اسويه مو مالي عينك ياجاحده وانتي ماتستاهلي شي وانتي وحده تمشين ورا المصلحه ويرمي كلام جارح
ومن ضمن الكلام ماراح امشي وراء افكارك المريضه يامريضه* وتفكيرك سطحي وانتي جاهله وماتفهمين شي* ملابس وجزم واذا قلت له طيب انت تهتم بهذي الامور لنفسك ليش تقول عنها سطحيه وانت مو حارم نفسك وتتسوق وتخبي* وتقول متسلفهم من فلان وعلان ويرد كيفي و فلوسي وحر ومايخصك وللعلم هو يشتري لنا للعيد بس ومن ارخص المحلات واذا كثر لبسين لعيد الفطر ولبسين لعيد الاضحى
وكل عيد يفشلني ويرفع صوته علي بالمول او في الشارع او في السياره طول الطريق وهو يهينني انا حمار اني وديتك السوق وانا غلطان مفروض انا اشتري لك وانتي في البيت* وانقلعي واذلفي بس تعلمت* من الدرس تطلعيني ب١٠٠٠ ريال عشان ملابس انا اعلمك انا اوريك ياجاهله* هذي الالف اجيب فيها اكل وادفع فواتير واصرف منها للبنزين وياما انفضحنا عند الجيران* بصوته العالي يصرخ في الحوش عشان تقضيت من البقاله ب٧٠٠* في نصف رمضان* وانا اقوله خلآص اسكت نزل صوتك عيب فشلتنا خلاص وهو يقول هالاكل لشهرين عشان تعرفين كيف تلعبين في الفلوس ليه تاخذين اوريو ليه تاخذين برينجلز وليه علب الورق عنب هذي وليه كميه القشطه والاجبان كلها عشان طبخاتك المكلفه حقت الدلع* تلعبيين في النعمه ياجاهله يامريضه وهو اول من يهجم ع الاكل وياكله ياناس
ومع العلم راتبه الشهري ٨٠٠٠ وشوي وتونا انتقلنا من اشهر لدبلكس من قرض الاسكان والحين ماقدر افتح فمي بحرف كل كلمه قال عندي قرض لمده ٢٥ سنه والقرض مايتجاوز٢٠٠٠
هذا غير حساب المواطن يعني بالشهر ٩٠٠٠ ريال في حسابه ويصفي معاه٧٠٠٠
وجالس يأثث البيت كل شهرين ثلاثه يجيب شي و من اردى المحلات وكله ترقيع وكرهني بكل شي المطبخ ماخذ لي طقم جاهز وماهو مرتب ورخيص وكل غرض فوق الثانى لانه مو تفصيل فالاغراض* نصها مالها مكان والصاله كتمها بورق جدران غامق عشان لايعالج الشلوخ اللي في الجدران ويتكلف راح غطى الجدران بورق الجدران* والكنب بني من ارخص شي يعني ترقيع والوان كاتمه والمكيفات تخيلوا ٣ جابهم مستعملين من شخص مصري* بيسافر بلده وشراهم الواحد ب٧٠٠ وطلعوا كلهم خربانين مافيهم تبريد بس هواء كانهم مروحه يعني لو جمع قيمتهم وضاف عليهم شوي شرا ثنين جدد لكن ايش اقول بس
وواحد رابع مستعمل حق زوج اخته سمع انه بيجدد مكيف في بيته* واخذه ببلاش** ودق عليه بعد يقوله متي تجدد باقي مكيفاتك!!
وانا قبل ماانتقل لبيتي اشتغلت لمده سنه عشان افتك من البخل واصرف على نفسي وتركت الوظيفه عشان ولدي الصغير ماعندي احد يمسكه لي امي مسكته وبعدها اعتذرت مني كنت اخذ راتب ٢٠٠٠ بس لاني اشتغلت في روضه اهليه
مع اني جامعيه لكن* تخصصي* بمجال التدريس ومجالاته محدوده* ومالقيت وظيفه الا هذي* بنص دوام عشان أطفالي
وحتى* ال٢٠٠٠حط عينه عليها اي شي اطلبه للبيت قالي عيب والله تنتظريني اجيب خبز بريال ماعندك* ريال
روحي جيبي خبز او مثلا البامبرز خلصت يقولي تنظريني اجيب بامبرز ادفعي بعدين اعطيك وحتي المستشفي صار يقولي ادفعي بعدين اعطيك وماأطول منه ريال راتب سنه كامله كله بحححح واذكر مكافأة الجامعه بعد دفعتها كلها كل شهر الف اصرفها على نفسي وعلى عيالي وحافز استلمته اول ماسكنا بالدبلكس ودفعت فيه قيمة كنب وطقم نوم لي و مرتبه لي وللعيال
ادري بتقولون غلطانه ادفع وكل مادفعت هو بيخبي فلوسه لكن ايش اسوي عيالي نايميين على الارض ٤ اشهر ظهورهم تكسرت وكل ماطلبته طقم نوم قالي لاتحنين ماحب الزن قلت لعيالي روحوا كلموه وقولوا انكم تعبانين من نومه الارض قالهم في اطفال* غيركم ماعندهم بيت وياكلون من الزباله احمدوا ربكم* ومو هامه واذا تكلمت رد علي بنفس هالرد* غيرهم ينام في الشارع احمدوا ربكم نايميين في بيت والكنب تعبت من جلسه الارض* وكل ماقلت متى تشتري كنب قالي يعني حياتك ماتكتمل الا بكنب؟ وماعندي ويالله طقي راسك في الجدران
والحين بيشتري سياره مرسيدس تراثيه مدري كم بتكلفه والبيت ناقص كثير اثاث ومكيفات واجهزه كهربائيه* وبيشتري سياره وهو عنده سيارتين وكاله* اليوم يوم* شفته يكلم راعي السياره وبيحول له فلوس ويقول مبايعه عن طريق ابشر رحت و** قلت له اجل موضوع السياره وشوف الأولويات شوف البيت وش ناقصه* بدل السياره* وقتها غلط قالي مالك خص تنرفزت منه وقلت له رجع فلوسي اللي صرفتها عالكنب وطقم النوم والمراتب وراتبي اللي صرفته على عيالك* قالي انقلعي وذلفي عن وجهي ماطقيتك على يدك وقلت لك اشتري شي ..
اقوله معاك فلوس تشتري سياره تراثيه ماعندك تجيب مكيف جديد من المحل قالي اقلبي وجهك وسدي حلقك
ومصروفي* شحدته منه لمدة عشر سنوات ماعطاني غير الهم والكلام الجارح
دخلت اهلي بدايه زواجنا وحرج ابوي لدرجه يحلف كذب ويقول راتبه ٣٠٠٠ الاف وماعنده يعطيني ولو عنده مايقصر
ويلف ويدور

وهذا* كله اللي يسويه* وامه* واهله دايما يحذرونه فلوسك وفلوسك وخش قرشك ينفعك بعدين والمستقبل ماتدري ايش مخبي
وانا مليت وزهدت في كل شي حتي الاكل مالي خلق اكل اطبخ فطور وغداء وعشاء* عشانه وعشان العيال
وهو ماشاء الله تبارك الله مخلص الثلاجه ويحذر مايبي مقاضي زايده وجيبه مافي ريال واحد* عشان اخذ او اطول قرش مايتعامل غير بالصرافه
لو مافي حل اعتبروها فضفضه لكني مهمومه من هالرجال وابغاه يتعدل

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig gd pr td l'hgfd ,ig gi fi`i hgluhlgm?!

المصدر...