تعقيب للمره الاولى وصلت لمرحلة مستعصية بسبب الزواج!!

وصلت لمرحلة مستعصية بسبب الزواج!!


السلام عليكم ،،
http://forum.z4ar.com/f116/t435330.html

بس تنبيه للاخوان اللي يردون ، الانسان وش حده يكتب بالمنتدى ، الا ان الدنيا ضاقت فيه
ووده يسمع كلام طيب ، الله يصلح بعض الناس وبس ، الاسلوب بجهه وهم بجهه

عموما بالنسبه لموضوعي ، ودي اعقب على كذا حاجه حتى الموضوع يكون مفهوم للبعض

انا بالاساس ماعطيت شرح كامل ووصف كامل لموضوعي فاتمنى الحكم مايكون من زاويا ضيقه

بالنسبه لي بفضل الله ماعمره احد رفضني واهالي كثير يكلمون الوالد حتى اشوف بناتهم
ماهو مسأله مافي احد رضي فيني او شئ ثاني ،
انا بالخطبه الاولى ماكنت افكر بعقلانيه اكبر مثل اللي افكر فيها الحين
، كل من واجهت يقولون نحس بالراحه النفسيه بالشوفه الشرعيه ، انا من ذيك اللحظه بدا الموضوع معاي
وكان في ضغوطات جانبيه وصلتني لمرحله الطلاق

عموما واعتذر منكم جميعا اذا كان اسلوبي سيئ في صياغه الكلام لكن والله لو مو الحاجه ماجيت اكتب لكم

الانسانه اللي طلقتها ، اهلها كلموني ، ان حنا مشترينك ، واذا بترجع لنا بابنا مفتوح
وانا ماستبعد ان البنت ترفض من اساسه ، من ابسط حقوقها
والحق يقال انا لو مكان اهلها راح ارفض المتقدم

لكن ذا ان دل فهو يدل على سمو اخلاقهم وان ناس مثل كذا بالزمان ذا نادريين

اتمنى انكم تنظرون للموضوع السابق اللي نزلته بنظرة متأمله اكثر ، لان انا هنا استشيركم
وممكن كلام البعض يحدد وجهه حياتي القادمه
والله يعطيكم الصحة والعافيه يارب ،

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

,wgj glvpgm lsjuwdm fsff hg.,h[!!

المصدر...