تبي تشتري حساب متابعين ؟ ( تعال واقرأ قبل لا تنخدع ) .

السلام عليكم ورحمة الله وبركاته

كيف حالكم يا شباب عساكم بخير ؟

اليوم بتكلم لكم عن موضوع مهم .. وصراحة انا توقفت عن بيع حسابات المتابعين وتخصصت ب اليوزرات ب الفترة الحالية بسبب هالموضوع .

في اخر شهر ونص الى شهر طلع قلتش ب احد برامج زيادة المتابعين

البرنامج طريقته تجمع نقاط ب حساب فاضي مثلا يوزره @gfjojoghjogfo تروح تسوي فولو ل ناس كثير نفرض 1000 فولو كذا انت على فرض جمعت 1000 نقطة .
تفعل ال1000 نقطة هذي مقابل 500 فولو ف يجيك 500 فولو على الحساب مثلا @SEF .. وبذلك كسبت متابعين ب حسابك الرسمي دون المساس ب قسم الفلونق .

صار قلتش بالبرنامج تقدر تدبل النقاط .. مثلا يجيك 500 فولو تقدر تخليها 2000 فولو .. فلذلك اغلب الاشخاص وش قاموا يسووا .

يشتري 200 الف نقطة = 100 الف فولو ..
ويدبلها ل 300 الف او 400 الف .

او يشتري 100 الف نقطة = 50 الف فولو ..
يدبلها ل 100 او 150 الف فولو .

لكن المميز ب الحساب اللي بيبيعه لك بيقولك ( مع الايميل الرئيسي ) ..
هذي الكلمة تجذب الكثير من الناس وهو ما يدري انه جمع هالفلورز ب اسبوع .

على العموم

نجي لنقطة ثانية واللي هي التفاعل .
بتجي تقولي كيف يرفع تفاعل الحساب .
اولا في كم شخص بكل تأكيد يستعملون البرنامج ويسوون فولو من حساباتهم الشخصية ( جهل في فكرة البرنامج ) ... وعالغالب بيسوون لك انفولو بعد كم يوم عشان كذا تشوف الفلورز في نقص .
لكن ب اول الايام يفيدونك ب التفاعل نقول كل 100 شخص يعطيك 10 لايك .

النقطة الثانية نظام تفاعل معي اتفاعل معك
يضيف كم الف من حقين تفاعل اتفاعل,, علق اردها 5 ,, الخ..

ويرفع التفاعل ل 700 1000 1500 لايك ب اليوم
وهذي الطريقة تزيد تفاعلك + ممكن تجيبلك 3000 الاف فولو ب اليوم عرب وحقيقيين ومتفاعلين


ف يوم تجي تفكر فيها
يجي هو يشتري نقاط نقول ب 100$
ويتفاعل على الحساب والخ..

ويجي يبيعه ب مبلغ وقدره +1500 ريال على اساس انه عرب وحقيقيين مع الايميل المنشئ .

والله السالفة ما تكلف تفكير لو تشتغل على 3 حسابات خلال اسبوع تدخل مربح اكثر من مربح يومية دكتور .


على العموم م حبيت اذكر البرنامج ولا حبيت اذكر لكم بعض النقاط عشان ما يستفيد بعض الاشخاص .

انا ما احرم اللي قاعدين يسوونه .. انا احرم اللي يعرض لك الحساب وهو وهمي ويقولك عرب وعلى ضمانتي . لانك بتدور ب اول 3000 بتلقاهم عرب اللي تحت كله وهمي .

بالتوفيق للجميع والتجار كلامي مفهوم وواضح انا ما قصدت الكل انا ذكرت عينة من التجار فقط .


اللهم بلغت اللهم فاشهد والعذر على التأخير بكتابة الموضوع لكن والله ما فكرت اكتبه الا قبل شوي يعني حتى اول كنت فاهم النظام وكل شيء لكن ما فكرت اكتب موضوع .. لكن شفت الموضوع زاد عن حده .

سبحان الله وبحمده سبحان الله العظيم
اللهم صل وسلم على محمد

سلام عليكم




__
*العذر على عدم التنسيق .. ما عندي وقت بكرة اختبارين وبحث ( دعواتكم )*
اتمنى اذا احد المشرفين فاضي ينسق الموضوع مشكورا .

الموضوع الأصلي : <font color="#000000" size="2" face="tahoma">تبي تشتري حساب متابعين ؟ ( تعال واقرأ قبل لا تنخدع ) .<font color="#000000" size="2"> المصدر : مجتمع الفرسان الكاتب : <font color="#000000" size="2" face="tahoma">MrMer

المصدر...