تعبت من تعايشي مع المشاكل

تعبت من تعايشي مع المشاكل

السلام عليكم ورحمة الله وبركاته

اتمنى من الادارة الكريمة تنزيل موضوعي انا بأشد الحاجة للنصح


مدري من وين ابدا انا حياتي من فهمت الدنيا طلعت على مشاكل
طلعت لقيت مشاكل وما كنت اهتم لاني صغيرة اللي كان مأذيني بس الدوشة والازعاج
ولمن كبرت بدات المشاكل تطولني واكثر من غيري
ما ابغى اتكلم بالماضي ولا بتفاصيل حياة كل فرد بالبيت
راح اتكلم عن نفسي حالياً
دورو معاي وشوفو لي عن حل لاني تعبت من جد خلاص
انا اعاني من ظلم الاهل سوا بالكلام ولا باليد يعني الضرب
والله العظيم ما اكذب انا كل يوم عندي مشكلة كل يوم يطلعو لي بمشكلة
كرهت نفسي وكرهت الحياة ولو الانتحار ينقلني عالجنة كان زمان ريحت نفسي من الشقا اللي اعيشه
انا اصغر اخواني واخواتي وامي وابي الله يحفظهم كبار بالسن
وعندي اخوان ما يخافو الله دايم مسببين لي مشاكل انا من هنا ابتدت شرارة المشاكل بحياتي من عند اخواني من يوم ما كبرت وامي الله يحفظها بقلبها حب عظيم للذكور وخاصة الظالمين اللي ماخذين فوق حقوقهم هم دايما يسلطو علي امي ويشغلو قلبها بالتحريض علي ومشكلتها تسمع لهم وتصدق
اخواني وسعو الفجوة بيني وبين امي ، امي صارت كثيرة الدعا علي وصارت مثل اخواني تتشمت بي على اي شي الفجوة كبرت وكل ما اقرب منها ابوس راسها ورجلها وخلاص اهدي الوضع وانسى الدعا والضرب اصحى ثاني يوم على مشكلة جديدة وتافهة والله يا ناس تافهة
يعني اذا قلت شي على نياتي هذي الكلة اللي على نياتي تتفصل تفصيل وتندرس وبعد تفكير عميق امي تقولي انت قصدك كذا وكذا وتصير مشكلة وتتهمني اني انا قصدي كذا سوء مثل هذا الموقف كثييييييير
وارجع اقول كله بسبب اخواني هم الشرارة الاولى بخياتي لحد ما صارت امي خلاص لازم تزعل مني علطول وعلى اي شي
وقبل كم يوم صارت مشكلة لاحد اخواني امي الله يهديها جاتني تدعي علي تقولي انت اكيد داعية على اخوك! لانها تعرف بنفسها ان اخواني يظلموني قلتلها انا ما دعيت عليه بس خلاص انا كل يوم على ذا الحال تعبت يا ناس
والله اني صايرة اعلي صوتي واصرخ يطلع صوتي برا البيت يسمعوه الجيران انا تعبت حالتي النفسية ساءت اخواني يبغو يجننوني يسلطو امي علي اللي مجنني انها تسمعلهم انا عيبي الوحيد اني خلاص صرت ما اتمالك نفسي علطول اصرخ واعلي صوتي والله مو بقصد العقوق لكن من كثر ما اسمع كذب واتهامات علي وكلام غير صحيح
انا مبلية بأهلي ما عمدي غير ثلاث خوات يسندوني بعواطفهم اما البقية ضدي دايما اسمع عن الاخت الكبرى وانا اتحسر والله ودايم اسمع ان الاخو سند واجلس افكر ليش اخواني كذا يظلمونا وحتى الفاظ وسخة يقولوها لامي وابي حتى تعدي باليد يتعدو على امي وابي ومع هذا يفضلونهم علي وتسمع كلامهم وتسليطهم انا والله مدري هو خوف ولا محبة. زايدة ولا سحر عاميهم عن تصرفات الذكور عقلي يبي يطير مني من تصرفات امي الله يهديها ماني قادرة افهم كيف اتعامل وش التعامل المناسب يعني ان سكت برضو ما احد يتركني بحالي لازم يشاغلو فيني والله اني تعبت مرضت صرت اوسوس واسال نفسي يا ترى مين غلط انا ولا هم اهلي يبغو يشلون عقلي انا مافيني حيل اتحمل اكثر هذا غير المشاكل الثانية اهلي عندهم فلوس وكل خواتي واخواني موظفين وانا محتاجة محد من خواتي واخواني يمد علي لو خمسين ريال وهم عارفين ان المصروف اللي يعطوني اياه اهلي قليل وما يكفي حاجتي انا اهلي مو فقراء احنا عيلة فوق المتوسط وكل واحد من اهلي يجي راتب تقاعد فوق ال 11 الف ومع هذا انا اعيش عيشة اقل من مستواي نفسي باشياء كثير مثل كل البنات اللي حالتهم المادية مثلي اشوف خواتي يوصون ويشترو اشياء حلوة نفسي اوصي معاهك ما اقدر المادة قليلة بيدي اخواتي يعرفو اني محتاجة بس ما يهتمو ويتجنبوني ويلفو نظرهم عني احيان بدون قصد اقول نفسي بدا الشي يظنو اني اقصد يشترولي اياه واشوف حركات ونظرات استهزاء وتجاهل بس انا ما اقصد كذا وهذا شي يحز بنفسي

فهموني انا غلط ومجنونة ولا اللي حولي فيهم شي قسم بالله حياتي عذاب
عمري 25 سنة
نزلو مشكلتي الله لا يوريكم سوء بحياتكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jufj lk juhdad lu hglah;g

المصدر...