مزاج متقلب وقلب متعلق

مزاج متقلب وقلب متعلق

السلام عليكم

الله يسعد مساكم

عندي مشكله بيني وبين زوجتي ولها فترة طويله وتدخل أحد أقاربها وقلت انا اجلس معها واشوف وش تبي مني وتشوف هي وش تبي مني
بالفعل نسقنا وجلسنا مع بعض وشفت طلباتها ورفضتها لأنها غير منطقيه تبي تكون بورقه وأوقع عليها
قلت لها كل اللي تبينه بسويه بس في بيتنا انا ماابي أشرط عليك او تشرطي علي في أوراق وقلت اي مشكله تحصل نحلها في بيتنا وكل شي بيزين بإذن الله وخاصه أن بيننا أطفال
تنازلت عن كل شروطها قلت لها في قابلية تجاهي قالت ايوة
قلت خلاص مالك الا يطيب خاطرك

طبعا عمها وآخوها كان بعيد عننا راحت لهم وحضروا معنا وسمعوا ان أمورنا زبطت وقالوا الحمدلله

خذها متى ماتبي خلاص


بنفس الليله قالت لي انها ماهي مرتاحه للرجعه وأنها تبي مزيد من الوقت تفكر

قاربنا اسبوع وهي رافضه وتقول لو تعتقني لوجه الله وكل واحد بطريق لأني ماني مرتاحه ماابي ارجع
ليس كره لك لكن ماابي ارجع

قابلتها عدة مرات اشوف فيها نفور مني وإذا تناقشنا تشكي اللين تبكي بعدين ترجع طبيعيه تهرج وتضحك


خلال هالايام أهديتها جهاز جوال فخم قيمته فوق 3500

وكتبت في كرت كلام طيب واطلب منها المسامحة

وتراجعت بالهديه ولا حبت تأخذها بعدين قبلت تقول يمكن مارجع لبعض

قلت ان رجعنا بيجيك أكثر وان مارجعنا فدا رجولك

اكلمها عادي بس تقول مافي قابلية تجاهك وانا جالسه اصلي الاستخارة بس ماني مرتاحه وباقي بصلي اسبوعين قدام
تكلمني وتطلع معي والله جالس أغرقها دلع بس ماش مااعرف تغلي ولا كره

وانا اصلا ماجلست معها إلا بعد ماصليت الاستخارة وجيتها وتعلقت فيها كثييير وقلت قبل نتقابل ماكنت كذا بس شفتها تعلقت وتنازلت عن اشيااااء كثير بس مافي تجاوب منها


مااعرف وش الأسباب اللي خلاها توافق ثم ترفض

فكرت نروح لشيخ يرقي واشوف بس ماهي موافقه

تقول لو تعتقني اكون شاكرة لك

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

l.h[ ljrgf ,rgf ljugr

المصدر...