احب زوجي بجنوووووووون ولكن

احب زوجي بجنوووووووون ولكن

السلام عليكم

بداية انا متزوجة من 9 سنين تزوجت وعمري 17 وزوجي 25 تزوجنا عن حب وبينا عيال هو ولد عمي يوم خطبني وقتها كان زوجي بصدد البحث عن الوظيفة وبعض اهلي عارضو الزواج لكن انا لحبي الشديد وافقت ع الزواج تلك اللحظة تنازلت ع كل شي كل شي تتخيلوه لاجله وانا الحمدلله ماينقصني شي جمال واخلاق وربي حبيته من كل قلبي اهلي كانو يعطوني فلوس بالغصب اروح اسأل زوجي اش الي نفسك فيه ويعجبك و عطول اروح اشتريه له اذا احتجنا شي ضروري اخذ من ذهبي واعطيه واحلفه يبيعه كنت اقدمه ع نفسي توظف بعد سنتين زواج وبدى يعوضني شوي شوي واشترى سيارة وبديت اشوف الدنيا مشت حياتنا حلوة ولحد الان والله العظيم باقي احبه وماعمري سبيته او رفضت له طلب او شكيته لاهلي وهو كان عصبي شوي وبالعكس لحد الان اذا اجى ياخذني لاهلي وقالي اخوي فلان اجى افز مثل المجنونة اتزين واتعطر واطلع له لدرجة انادي اخواني باسمه بالغلط احبه احبه وما ارضى عليه شكة دبوس اذا حد نطق اسمه قلبي يفز فز والله مقد جبرته بيوم ع شي مانطلع تمشية الا كل شهرين والسوق في المناسبات وكل هذا عشان اريحه والله وكلامي كله عسل ودلع ولا مرة حرمته من حقه من يوم تزوجنا الا اذا كنت مريضة جدا وتنعد ع اصابعي بعد وكنت استمتع معه بتقولون ماله الداعي الكلام هذا بس عشان ابين لكم مقدار حبي لزوجي المشكلة ان زوجي تعرف ع شلة اصحاب قبل 3سنة صايعين للنخاااع طلبته وترجيه وجيته بالطيب وبالدلع ان اقلها يبعد عنهم شوي تخيلو زوجي تغير تغير جذري خاصة من سنة مو زوجي الاولي صار يسهر معهم للصبح ويسافرون كل فترة لبره ومن غير معد صار يعطيني وجه وللاسف اصحابه يخببون ع المتزوجين دايم صار ع لسانه الحريم ماينعطون وجه الحريم مكانهم البيت الحريم الحريم....واذا مرة طلعنا مشوار لابد احد يدق وينغزه بالكلام ويطقطق عليه شكلك تخاف الحرمة ومدري ايش والمشكلة هم متزوجين بعد وبالمقابل حقين حريم ومكالمات جعلهم الماااحي اول زوجي يقولي بفضايحهم وكيف يكلمون حريم وكنت استنكر افعالهم وانبه زوجي وكان يقولي انه ينصحهم وكذا الحين زوجي صار سايلنت ومعد يقولي شي ما ابغاه يضيع مني والله انجن لو ادري انه صار يخربط وهو يعرف اني مجنونة فيه ابغى يترك هالشلة لكن بعضهم بينهم قرابة وبعضهم جيرة ماله مفر معد اشوف زوجي لا ايام داوم ولا ايام عطل كله معهم بدت المشاعر والحب عندي تنقص بسبب اهماله لي اذا رد البيت كلها ساعتين اجلس اسولف معه وابوسه اذا حسيته ماوده فيني اتركه لحاله وهو يستانس لبعدت والجوال بيده دايم والله انقهرت من ايامنا الاولى الحلووووة ماكان كذا والله بالعكس كان ينتقد الي كذا وانا الان مجروحة منه وعشاني احبه الالم مضاااعف وربي حتى النوم ينام قبلي واذا مع اصحابه للفجر الله يسخره ويصلحه لي نفسي يرد زي اول انصحوووني اش اسوي مالي غيركم حدي متضايقة وقاعدة ابكي كل ليله عشان هالشي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hpf .,[d f[k,,,,,,,,k ,g;k

المصدر...