خرجت من بيت زوجي زعلانه

خرجت من بيت زوجي زعلانه

السلام عليكم ورحمة الله وبركاته
عمري 23 وزوجي 28
متزوجين من 4 سنوات
طبعي رومنسيه بزياده وزوجي عكسي تماما
مشكلتي ان زوجي مايجلس فالبيت ابد
واذا جلس ف يجلس ع سناب شات او الواتس اب
لما اكلمه مايرد عليي
على الرغم من اني مامقصره ف شي ابد
واحبه كثير
لما يزعلني انا اراضيه
المشكله ماعندي حد غيره
اذا طلعنا مكان يكلم اصحابه لحد مانوصل
واذا ماكلم اصحابه وكلمته ف اي شي يقلب السالفه لمشكله ويتهاوش وينازع
مرات ارد عليه بهداوه ومرات اسكت
قبل ثلاث ايام جلست معاه جلسه هدوء
قلتله يافلان اريد اكلمك ف موضوع وخل الجو هادي و خلنا نتفاهم
قال تكلمي
قلتله انا قصرت ف شي قال لا
قلتله طيب ليش صاير كذا ويش صاير معاك
تطلع الصباح وترجع بالليل س2 او 3

قال شغل
قلتله طيب من حقي يكون لي ساعه ع الاقل من يومك
قال اخر اهتمامي انتي
جرحتني هالكلمه وكتمت
قلتله تعرف وش يسموني انا شريكة حياتك وغلط تقول كذا
المهم نهى الموضوع ع هالشي
والمفروض اروح البيت قال باكر بوصلك
واهلي مسوين عزيمه ع شفاء الوالده الله يعطيها الصحه والعافيه
وهو ولا اهتم
اتصلبي اخوي الصباح يقول تعالو ع الغدا
زوجي كان ناايم وكالعاده كان راجع متاخر س4 فجر
قاال س 11
وتجهزت وخبرتهم بجي
وجات س11 ومارضى يقوم
وتنازع وش هالحرمه وكلام جرحني كثير وقال بعد الغدا بوصلك
والوالده تتصل واخوي يتصل ويش اقولهم صرت ف موقف مححرج
قلتلهم ان زوجي طالع مع صديقه واذا رجع من وقت بنجي
وللاسف مارحت
بعد الغدا قام س3
و تغدا وتكلم عن العزيمه قلتله لاتكلمني خلاص الموضوع انتهى
ونافخ وتنازع ليش قلتله لاتكلمني!!
وطلع قلتله يافلان خلا وصلني كلهم بالبيت ويريدوني اجي
قال روحي ولاترجعي وطلع
واتصلت عليه وكنت ابكي واكلمه وبند الفون ف وجهي!!
وقلت لاختي تجي
والحين ببيت اهلي من يومين ولا اتصل ولارسل يسال عني
هل الي سويته خطأ
مادري محتاره ولا علمت حد عن هالموضوع😔
للعلم عندي بنوته عمرها سنتين

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ov[j lk fdj .,[d .ughki

المصدر...