زواجي صار نقمه

زواجي صار نقمه

السلام عليكم اولا انا متزوجه من 9سنوات وعندي طفله وحاليا حامل عمري 33 وكذلك زوجي جامعيه وزوجي ثانوي انا عانيت جدا قبل زواجي حياتي اسريه مفككه ومع ذلك حاولت قد ما اقدر اني اتاقلم مع وضعي صبرت وانا حاطه امل في زوج المستقبل انه يعوضني ولكن هيهات انا جامعيه ومن عايله محافظه نوعا ما من اول الزواج زوجي مو طايقني ومو عاجبته مع اني مافيني شي وكان عندي كبت عاطفي كله حاولت افرغه في زوجي حلالي واسعده قد ما اقدر واسويه ملك في بيته بس انصدمت انه مو متقبلني كلش ومو مستعد حتى يستقبل هالعاطفه وحسيته مغصوب ع الزواج ولاهو قده كان عكسي تماما لسانه قذر والصلاه يطوف بعض الايام ودايم يعيب علي وعلى شكلي وع ملابسي وكل شي وش ما اسوي مايعجبه حسيته بالعرب يبي يطفشني عشان اطلب الطلاق بس عشان يسترجع المهر صبرت ع عليه وع بخله وتعامله القذر لمدة سنتين مابين ضرب ومشاكل حتى موده مافيه طبعا اهلي ممنوع عندهم الطلاق اضافه الى انه مشتتين ماعندنا الابيت ابوي وابوي مايبينا وامي ساكنه مع اخوي مافي مكان وتدخلات مع الاهل ومافيه فايده انا بعدها صارت عندي ردة فعل عنيفه جدا قمت اشتكيته فالشرطه ع الضرب وصرت اعامله بالمثل وانقلبت انسانه ثانيه تماما صرت نفسه بالضبط يقولي كلمه اقوله عشر يمد يده امد يدي وطبعا مو هذا الي ابيه بس مافي قدامي غير هالحل ومافي احد كاسر خاطري غير الطفل الي بينا قمت اتعرف ع شباب واطلع معاهم ابي اعوض وابي انتقم ولهيت عنه وصارت حياتنا هاديه وانا مبسوطه اهو فحاله وانا فحالي ظليت ع هالحال الى قبل 3 سنوات وعيت ع حالي وش قاعده اسوي وتبت ماعاد اكلم احد ولاشي مع العلم انه زوجي ايضا يكلم بنات وادري ومخليته يولي لانه سبق وان واجهته اول سنه ومافي فايده حاليا رجعت مشاكل معاه احس ابي احد يهتم فيني ويعبرني ولاتقولون طلعي وصديقات ومدري ايش اولا اهو مايرضى ثانيا مايملي فراغ الزوج الحين تعبانه نفسيتي زفت وعلاقتي معاه جدا سيئه واحس انه زواجي ضرني وانا احمل زوجي ثلاث ارباع كل المعاصي الي ارتكبتها بسببه لانه هو الي دفعني اني اسوي كذا ويرفض حتى يستقبل مني الكلام الحلو والبوسه والاحضان صح اعطي طفلي لحنان بس الزوج غير والحين ابي اقول حق كل وحده تختار شريك حياتها وتسال عنه مليون مره قبل ماتتورط وابي اقول حق الرجال الله يرحم والديكم الي مو قد الزواج لايتزوج لايجامل ع حساب بنت الناس ويعذبها وانا منقهره على حالي لا انا الي ارتحت بيت اهلي ولا عند زوجي وساعات تجيني افكار استغفرالله بخصوص علاقتي مع ربي اقول ليش الله ماعوضني بدل صبري ع بهدلتي وكنت ما اترك صلاة الليل وادعي وبدون فايده بس اتعوذ من ابليس وافكاره

وشكرا لاستماعكم لي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,h[d whv krli

المصدر...