بين والديني واخوي وقفت حائراً

بين والديني واخوي وقفت حائراً

السلام عليكم
مشكلتي قديمة يا اخوان بين احب الناس الى قلبي ابوي وامي من جهة واخوي الكبير من جهة ثانية
ابوي عمره 56 سنة الوالدة 52 سنة اخوي 34 سنة وانا 21 سنة
قبل حوالي 14 سنة خرجت انا واخوي ووالدتي لمشوار وفي الطريق انفجرت احد كفرات السيارة وخرجنا فوق الرصيف والحمد لله لم نتضرر جميعا ولا تضررت السياره شي يذكر كلها امور تافهه
لكن والدتي انفعلت ذاك اليوم وشتمت اخي شتايم ما يرضى احد بها واخوي حاول انه يراضيها لكن ما قدر حتى خرجت منها كلمة (انت كافر) هنا اخوي ما تحمل الكلمة ورجع للبيت يبكي وقتها كان شاب في الجامعة وانا طفل في اول ابتدائي
ثم دخل عليه والدي واهانه ويوم طلب اخوي منه ان يستمع له رفض والدي يسمع له وبصق بوجهه وخرج من الغرفة.
بعدها بيومين خرج اخوي من البيت واستقل بحياته وحلف ما يرجع لبيتنا واصبحنا ما نشوفه الا لفترات متقطعة طوال ال14 سنة الماضية وهو كمل دراسته وتوظف وظيفة ممتازة وتزوج وجاه عيال وكبرنا كلنا وهو بعيد عنا
والدي ووالدتي ندموا على ما صار من وقتها ولكن اخوي رافض يسامحهم على اللي صار
حاولت انا واخواني واخواتي نتكلم معه لكن كان يقفل الموضوع على طول ويرفض نتكلم فيه
والدي دايما ما يقول انه ظلم اخوي وما سمع له وتأثر بوالدتي وانه صورة اخوي وهو يترجاه يسمعه ما تفارقه
طبعا والدتي دموعها على طول تطلع اذا نادوها باسمه وتقول بس ابيه يسامحني واخوي الله يهديه رافض يتواصل معهم
تحرقني العبره لما اشوف اخوي بعيد عنا وهو اللي كان سندنا بالحياة وكل اخواني يحبونه والله ودنا نرجع الامور لمجاريها، حاولنا مرة مع زوجته لكنها خافت تفتح معه الموضوع، علاقته باقاربنا مقطوعه من يومها لا يحضر مناسباتهم ولا جمعاتهم
والله يا اخوان اخوي قلبه طيب وكبير وابوي وامي كذلك لكن الشيطان دخل بينهم وامي قلبها بيفّحم على ما تشوفه وتضمه على كلامها
حاولو اخر مرة اخواتي البنات يوم العيد يكلمونه ويستعطفونه لكنه رفض بشده
ساعدونا يا اخوان والله ضاقت فينا السبل، نبي نعيش اسرة وحدة مثل العالم والناس مو قادرين

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

fdk ,hg]dkd ,ho,d ,rtj phzvhW

المصدر...