مشكله زوجتي النكديه

مشكله زوجتي النكديه

السلام عليكم
مشكلتي مع زوجتي بعرضها لكم
عمري 33 وعمر زوجتي 30 وصار لنا متزوجين سنتين ونصف
والله اني طيب وعلى نياتي وماقصرت معها بشي ياخواني الانسانه ذي ماعندها ثقه في نفسها وتحب تثير المشاكل بدون سبب والله اني اسكت واتغاضى
حركاتها والله مثل المراهقين وكانها طفلة بالرغم انها كبيره بالعمر وجامعيه بس مافيه عقل تقريبا الشهر فيه 30 يوم 15 يوم نفسيه وزعلانه 15 الثانيه تمام بعض الاحيان من كثر مااقرا اقول هذي ناشز او نكديه او ايش ؟
تقول تحبني اقولها اكيد احبك تقول كذاب موب بين عليك قلت الحب مو بالكلام الحب بالافعال اقولها اقري كثير كتب تثقفي لا تسمعين كلام صديقاتك ترا يخربون حياتك بالنسبه انا اقرى كثير واشتري كتب واتصفح مواقع قراءه والا تقول انت ماتغار لانها تسمع عن الغيره بس غير مثقفه بس تسمع وتبي تطبق عليي اقول ايوه انتي زوجتي واحبك واغار عليك تقول مو من قلبك ياناس سوالفها تقول وحده عمرها 12 سنه وتقول اصلن انا كنت مابي الزواج بس يالله والله لو احلف انها ماصدقت تزوجت وكانت محشوره عند اهلها وماشافت الحياه الا معي وتبي تسوي نفسها اتكيت ومسويه متحضره بس العرق دساس كل سوالفها تجيبها من صديقاتها بالدوام صديقاتها بالدوام بعض الاحيان تقولي مشاكلهم قلت وش دخلنا بالناس انتي عليك بنفسك وفوقها تحش في الناس وفيها كبر وغرور راتبها كله يروح في الماركات تشتري شنطه 3000 ريال وعندنا ايجار البيت ومصاريف البيت يادوب اسددها وبعدها تطفر الحياه معها صعبه مدري اكلم من واشكي لمن ماتفهم ولا تتقبل نقاشي معها وجوالها مره انكسر وجبت لها ايفون اكس 3500 ريال بالغرم اني محتاج الفلوس واخر شي تقول انت ماتحبني انت تمثل وتجامل ؟ مره وديتها عند اهلها ودخلت وتقهويت وطلعت تقريبا اخذت نص ساعه
وتزعل علي اسبوع كامل تقول ليش ماتعشيت عند اهلي انت تكره اهلي وطنشتها اسبوع وهي مطنشه لين جت ورضتني وبالنسبه للجنس كرهته معها اذا طلبتها تقول تعبانه واجي كل يوم تقول مااقدر واذا بغت هي تجي تطلب الجنس على مزاجها موب على مزاجي والله انام كل يوم وانا زعلان منها ومره قلت ريحه فمك ثوم وعلشاني لان ماحب الريحه وعلشان بكره عندك دوام موب حلوه يشمون ريحه فمك ومو حلوه فيني انا قالت ليش وليش موب مصدقه وراحت للشغاله قالت ايوه فيه ريحه ماعندها ثقه في نفسها واتقول الزوجه مالها حق تطبخ وتغسل وتكنس هذي موب واجب عليها وجبت لها شغاله احس اخذت الزواج فله ووناسه وعلى مزاجها ولا ابي اغلط عليها لان انا حاط خط اهم شي الاحترام من اول يوم تزوجتها بس احسها تمادت وازعجتني بالسفر قلت ماعندي فلوس منوين اسرق قالت تسلف دبر عمرك بالرغم انا مسافرين قبل سنه ونص لتركيا 25 الف اخذنا 14 يوم وتقول ياويلك تتزوج عليي قلت حدي وحده تكفي ..؟ لان صديقتها رجلها تزوج عليها طيب انا وش دخلني في الناس جابتلي النفسيه ياناس
وقبل تتزوج حدها الديره والرياض والحين مزعجتني تبي تسافر باريس ولندن ياخي تشوف البنات حقين السناب وتقول نفسي ونفسي اسوي مثلها ؟
وامس صار بيني وبينها مشكله تافهه ومن اتفه مايكون
من امس زعلانه ماتكلمني في السياره ساكته رايحين للدوام نفسيه وانا اقول في خاطري مستحيل ارضيها هي الي تعتذر مني والان طلعت برى البيت ولا عبرتني نايمه وعلى فكره عندي منها بنت مدري هذي كيف اعيش معها طول عمري ؟
والله اني مرتاح قبل اتزوج ومشتاق لحياه العزوبيه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

la;gi .,[jd hgk;]di

المصدر...