|
|
|
30th January 2019
|
#1 | |
|
مدير ومالك المنتديان
|
زوجي مايحب وجهي ويهاوشني
تكفى لاتاخر علي بالتنزيل
انا متزوجة من 4 سنوات تزوجت وعمري 30سنه وعندي بنت وولد وزواجي كان تقليدي جدا امه شافتني واختارتني وتمت الملكه انا صراحه كنت احب شكلي ولوني مره بس كسرني زوجي بكلامه عني لما شافني وقت الملكه زوجي صارحني بالمكالمات اني اختيار امه وبدى يقول لي ليش خبيتي رجولك وقت الشوفه انا صراحه سمرا ورجولي ارطبهن دايم بس هو لا يتمنى بباله مقومات مثلا بيضا ويديها فتنه ورجولها فتنه طيب الله خلق لوني فرق عن اخواني المهم بعد الزواج صار يقول وجهك ليه كذا مالك خدود ويلمس يدي ويضحك علي ويقول تشبيهن عمتي فلانه شدي حواجبك انفخي وجهك اعطيك فلوس كنت اسكت والله ماقدر ارد عليه بشي لاني حقيقه كنت مبسوطه اني تزوجت ومابي اخسر الزواج على تصرفاته ولاني صغيره انا اهتم كثير بنفسي واستايلي بس هو يبي جمال غريب دايم اطيح عليه مع مطلقات ومع بنات ويرسلن صورهم ويقولهم اني مطلق وطليقتي اختيار امي كلهن بياض وجمال وكنت اسكت ماقدر اصارحه صرت اهتم بنفسي كثر ماشوف بجواله بس انا خلقتي سمرا كذا وبشرتي صافيه وربي رزقني بولد وبنت وكلهم بيض طالعين عليه ودايم يلمح لي اني شاذه عنهم ويقول المفروض الواحد قبل يملك على بنت الناس يشوفها قلت له وانا قال انتي بنبرة حزن بصوته شي كتبت كتابي عليها وخلاص صعب الواحد يسحب نفسه بكيت كثير على كلامه وقال امزح عليك وكذا وانا طبعي هاديه جدا ولما يبكون عيالي احاول اهدي منهم يجيني ويقول انتي ماتصلحين ام انتي ماتعرفين تربين طيب صغار واحد سنتين والثانيه تسع شهور احس اني تعبت كثير من كلامه اكيد تقولون لي وين اهلك اهلي من النوع العيار ومايتحملني لا انا ولا عيالي وامي احيانا تقول اشوا اللي تزوجتي والا ماحد يراعي لك خصوصا ان خواتي تزوجن اللي اصغر مني المهم اني لو اروح لاهلي وش اقول لهم هو اكثر عصبيته مني مايحب شكلي دايم يقول لا خلق ولا اخلاق وانا والله العظيم محترمته ودايم يطفرني يقول اهاوشك كثير ماتروحين لاهلك تطمحين انا مابيك ي حرمه فكيني وجههك ماني طايقه انتي غلطة عمر لي ولما ابكي كثير قدامه من كلامه يقول هذا اللي فالحه به تبكين ليه ماتروحين لاهلك وانا ماطلع من بيتي ابدا انا قبل اسبوعين رحت لامي ولمحت لها اني بتطلق منه انه مايبيني قالت وشو زين لقيتي احد يلتفت لوجهك ماتدري ان بلى زوجي وجهي وماهو طايفني انا قلت تعبت منه قالت اص ولاكلمه انثبري ببيتك والله يابنات تعبت تعبت حيل انا مهتمه ببيتي وبملابسه وباطفالي ومن تزوجته وهو يتهمني باشيا ماهي فيني مثلا انتي مهمله ماترتبين لو اجلس 29 يوم ارتب البيت وبيوم مارتبته يركز على هذا الشي ويقول العنوان. واضح من وجهك انا ماحب اهلي يدرون علتي انه كارهه شكلي وكم مره اطيح على جواله يقول طليقتي بشعه وسمرا يطلقني وانا بذمته عندهن انا تعبت ابي اعيش بعيد عن اهلي وعنه هو وقسم بالله تعبت كثير كثير ماعرف وش اتعامل معه مع اني. داين احضنه وارحب فيه. افقده بجوالي رسايلي ويكتب لي لاترسلين. لاتسالين عني مو شغلك انا مابي اتطلق والله مابي اتطلق قسم بالله 😭😭😭 انا تعبت شوروا علي المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين .,[d lhdpf ,[id ,dih,akd المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض العادي
