بطل العالم في لم المنهج

بما ان الامتحانات قربت و احنا نحب ان كل اللي بيتبعونا يبقو ناجحين و متفوقين
حبينا نفكركو ان فاضل شهر علي الامتحانات و نساعدكو بشوية نصائح بسيطة تساعدكو تبداو مذاكره من دلوقت ومتسيبوش نفسكو لاخر وقت
عشان تبقو مرتاحين و مش متوترين ويكون هدفكو انكو تجيبو تقديرات عالية تميزكو عن باقي الناس مش نجاح و خلاص

1-اقفل ال facebook والموبيل و انت بتذاكر

2-هيء نفسك انها فتره و هتعدي فلازم تعديها بافضل نتائج

3- ابدا اعرف المواد الي عندك و جمع كل ال materials و تسال حد بيحضر دايما لو في جزء ملغي

4-امسك كل ماده قسمها بحيث انك تقفلها الشهر ده و ايام الامتحانات تكون بتراجع و حط target انك في الاسبوع الاول تكون خلصت كذا و التاني كذا علشان الوقت ميجريش منك

5- علم علي الحاجات الي مش فاهمها و خلي حد من زمايلك يشرحهالك

6- اقفل ال facebook والموبيل و انت بتذاكر

7-رفه عن نفسك و اشتري الحاجات اللي بتحب تاكلها و انت بتذاكر زي الشوكولاته و البسكويت او اي حاجه بتفتح نفسك

8-كل خضروات و فاكهه و مكسرات كتير عشان بتساعد علي التركيز و ابعد عن الدهون و ال fast food علي قد ما تقدر

9-اتفق مع حد من صحابك علي خطة المذاكره دي عشان تشجعو بعض و يكون في منافسة

10-اعمل وقت لنفسك free من المذاكرة و اخرج

11-اقفل ال facebook والموبيل و انت بتذاكر

12-اقفل ال facebook والموبيل و انت بتذاكر

13-خد rest بين كل مادة و التانيه او كل ما تحس انك تعبت

14-خصص جزء من يومك و لو نص ساعه تمارس في اي رياضة بتحبها و ده بينشط المخ و يخلي يركز احسن

15-دور علي شكل امتحانات السنين اللي فاتت و ادرب عليه

16-حدد النقط المهمة و اكتبها فكشكول لوحدها و لخص و اعمل ورق حلو يساعدك في المراجعة

17-ذاكر بالكتابة و سمع بصوت عالي علشان متنساش

18-استخدم اقلام ملونة و لون الاجزاء المهمة علشان يبقي سهل تفتكرها

19-هقول تاني اقفل ال facebook والموبيل و انت بتذاكر

20-طول ما انت بتذاكر فكر نفسك بهدفك انك عايز تبقي محامي معروف, دكتور شاطر
,محاسب ناجح , مهندس معروف او انك عاوز تفرح اهلك بيك ترفع راسهم

و اهم حاجة انك تخلي عندك ثقة في ربنا سبحانه و تعالي انه مش هيضيع تعبك ده و اخلص النية و جددها ديما لان مذاكرتك دي عمل و العمل عبادة

منقول من إحدى صفحات الفيسبوك مع تعديلات :)
متنساش تقفل الفيسبوك :shades_smile:

المصدر...