زوجي وحبه القديم

زوجي وحبه القديم

السلام عليكم

انا متزوجه من 6 سنوات وعندي طفلين اكتشفت انه زوجي لليوم يحب ويحن لحبه القديم ؛ هو قد اعترف لي بفتره الملكه انه كان يحب بنت وماصار بينهم نصيب لان اهلها رفضوه وطلب مني اتحمله واساعده على نسيانها ؛ طبعا كانت صدمه لبنت تسمع الكلام هذا من خطيبها في اجمل فتره في حياه اي مخطوبين وقلت مرده ينساها .

بعد فتره من زواجنا شفت رسائل وايميلات واتصالات بينهم اخذت رقم جوال البنت وهددتها قالتلي انا مزعوجه من اتصالات ورسائل زوجك كلمته بالطيب ان مافي بينا نصيب مافاد وهددته ولا فاد واذا شفتي مني اي رساله او اتصال تعالي وكلميني وهدديني لكن ارجعي شوفي مين يرسل ويزعج الثاني حتى انه بشهر العسل كان يزعجني وانا اتجاهل اتصالاته وانها ناويه تبدل رقم الجوال ؛ جاني هبوط من كلامها وللاسف كلامها كان صحيح زوجي مزعجها وبعد ماواجهته صرخ وعصب واتصل فيها قدامي وطلع الرقم مقطوع وجلس يلومني واني السبب .

تجاهلت الموضوع طول هالسنين مافتشت من وراه وكبرت عقلي لاني ماحبيت تكون بينا مشكله مع ان دايما الاحظ يسرح ويفكر ويتاثر اذا شاف لقطه فلم او مسلسل وطبعا الكلام الحلو يطلع بالغصب وواجهته كثييييييييير بس مافي فايده وظلييت اتجاهل واسكت ولا اكبر المواضيع علشان ما اهدم بيتي

قبل كم يوم شفت وصلته رساله على الواتس اب شدتني باين من بنت وفتحتها وكان محتوى الرساله تهديد واتركني بحالي غيرت ارقامي حتى لغيت حساباتي في التواصل الاجتماعي بسبب مراقبتك لي وكلام كثير ومن بينهم ان طلب منه يتزوجها وهي رفضت وطلبت منه يسيبها بحاله ويهتم في بيته وان راح تبلغ عليه اذا تواصل معها وحاذف كلامه لها والمحادثه قبل ردها طبعا علشان ماشوفها

وطبعا واجهته واعترف قال وين الغلط ابيها زوجه ثانيه مو اسوي شي غلط انا مو قادر انساها بس هي رفضتني على كلامها ماتبي تخرب زواجنا وهددته اني راح اترك البيت واطلب الطلاق اذا ماتركها وتغير طبعا ماراح اسويها لكن عشان يحس بدمه ويقدرني ويبعد عنها طولت بالي وصبرت كثير

مو عارفه وش اسوي لا تطلبون مني ترك الموضوع ونسيانه انا مو مقصره معاه ابدن وتجاهلت الموضوع طول هالسنين وغير كذا سنوات زواجنا مو قصيره كفيله انه ينساها واذا واجهته يقول وش سويت والخ جلست معاه مرات كثيره جلسه مصارحه وتفاهم بس مافي اي تغير بحالته يعني باختصار وضعي معاه زوجه وام عياله فقط الوضع لا يطاق

ونسيت اقول اني اكتشقت ان له حساب ثاني في تويتر وكل كلامه حب شوق وفراق وذكريات وصور حب واحضان


قولولي وارشدوني مين الي يتحمل زوجه او زوجته للان في قلبه حبه القديم رغم مرور سنوات طويله على زواجهم ؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,pfi hgr]dl

المصدر...