زوجي قتل حيويتي��

زوجي قتل حيويتي��

السلام عليكم ورحمة الله وبركاته
مشكلتي مع زوجي من الشهر الرابع من الملكه ( دامت فترة الملكه 10 اشهر ) و مستمره حتى بعد زواجنا واجتماعنا بمنزل واحد ولي اشهر متزوجه .. الواحد يتزوج عشان يسعد بالحلال بالكلام و غيره و يعف نفسه و العفاف لا يقتصر على الرجل لكن مشكلتي مع زوجي تقدم لي باختياره هو ليس مجبر وشافني الشوفه وبعد الملكه وضحنا لبعضنا كيف أرتحنا لبعض وان كل واحد متقبل الثاني مرت الأشهر طبعا و حديثنا عادي جدا و رسمي ( طبعا ملغيه مشاورتي في الاثاث و التجهيز و تحديد يوم الزواج و اختيار مكان شهر العسل و البرنامج و لا عن مكان يوم الزواج و ترتيباته و لا يسمح لي ان اساله اسئله شخصيه لكنها تعتبر عاديه بالنسبه لوحده تسال زوجها و تحاول تتعرف عليه و لازمه حدودي ما تخطيتها حتى و انا اسال ) ابدا ما كنت متطلبه او متشرطه مثل اغلب البنات المهر كان هو اللي جابه ما طلبت منه بالرقم الشروط ما كانت ماديه رغم ان وضعه المادي فوق الجيد و مكان السكن ملك لا ايجار هديه من والده يعني مافيه اي ضغط عليه بالتجهيزات

كنت اتمنى مثل كثير يطلع لي اسلوب زوج يكلم زوجته ما اطلب كلام حلو لكن اطلب الجو فقط كلمته مرتين و كان بحدود وقت طلبي ثم نرجع مثل ما كنا طول العشرة اشهر ما عشت جو المخطوبين او المتملكين و لما كلمته رد علي ( لاني ضامنك ) !!!!

و المره الثانيه كان رده ( لانك بعيده اذا صرتي عندي بتشوفين انه غير ....الخ ) صرت عنده وما تغير

انسان مقدم عليّ الجميع وانا راكنّي يتذكرني وقت نومه و أكله اذا الناس انشغلت عنه و الا ما عنده مشكله حتى ما يرجع لا تقولون هيئ الجو له .. هذا هو من الملكه و جيت عنده انتظر وعده و ما تغير صرت اقرف منه و انا بدور الجاريه اللي تعرف رجعته و جلسته عشان الفراش و بس و لا هو دايم

انسان يرجع من الدوام نادرا ما يأكل بالبيت ينام و يتقهوى و يطلع على طول يرجع و للنوم حتى لو كنّا باجازه يصلي العشاء و ينام مليت منه و ساكته
لا تقولون دوامه متعب دوامه نظام مشرف يعني يروح يجلس يلعب بألعاب الجوال لحد ما ينتهي الدوام و الدوام على كيفه و متساهلين معه بوقت الطلعه و الاذن و الاجازات يعني مافيه ضغط بالشغل

هواياته و هواياتي مشتركه و متقاربين باشياء كثير لكن ما اعرف ليش يحاول يبعد عني

لا تقولون كلميه كلمته و كلامي مؤقت و اصلا كيف أكلمه و اطلبه شيء هو المفروض يعطيه شيء ما ينفع اطلبه !

باول الملكه سوينا تخطيط و توضيح لبعض و كل واحد وش يبي ووش ينتظر لكن للاسف

اخر كلمه قالها لي قبل يومين ( انتي تعذريني عادي ) !!!!


كنت اشوف البنات و كل وحده كيف زوجها بوقت الملكه وأول الزواج حتى لو كان كلامه و اللي صار منه مؤقت لانهم جديد على بعض لكن تمنيته وانا ما شفت شيء تمنيت لو موقت تمنيت لو يكذب او يبالغ تمنيت لو فتره

طاقته و حبه و كلامه و لطفه و اسلوبه و وقته للناس و انا لا انا ما اطلبه يترك احد و لا يغير شيء بس ما ابي ينساني
انا ما تزوجت عشان اجي اغسل ملابس واحد او انظف وراه او أمسك بيت كنت سعيده ببيت اهلي و انا أُخدم ابي بس ساعه منه لو بشهر

ما طلبته اليوم كله و لا طلبت يلزق فيني معطيته حريته بالسفر و الاستراحات و الطلعات و العزايم و لا قد طلبت يكنسل و لا يجلس عندي و لا طلبت يترك اهله و مشاويرهم و اقول فيه من اخوانه اللي عندهم لان ماالوم احد و لا لهم علاقه باللي هو يسويه ولا ابيه يترك احد ابي يتذكرني اذا باول الايام اللي كل الناس تقول حلوه هو كذا بعد السنين وش بيكون
انسان غبي جامد بارد ذكرياتي و لحظاتي معه بارده

جالسه أبرد و اتحطم و خايفه أتدمر بسببه قتل حيويتي و صرت استثقل الشي اللي أسويه له

باول الملكه( مدح تفكيري و عقليتي و شكلي ) يعني مو كاره فيني شيء

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d rjg pd,djd��

المصدر...