امي و زوجي

امي و زوجي

السلام عليكم ورحمة الله

بدااية حابة اشكركم ع الموقع والقسم هذا خاصة لانه ساعد في انجاح مشاكل كثيرة ربي يسعدكم ع تعاونكم معنا
مشكلتي مو مشكلة كبيرة بالاخص شي يضايقني ان امي الله يسعدها ويطول بعمرها احسها تنتقدني انا وزوجي كثييير واحسها ماتحب زوجي ابد وكم مرة تجرحه وتنتقده قدامي مع ان زوجي وربي ما اكذب عليكم طيب معها ويعتبرها مثل امه واكثر ويشري لها كل غالي ويهديها لكن مافاد

وامي الله يصلحها دايم تشيشني ع زوجي وتجرحني انه مو كويس معي زي فلان وعلان مع ان طيب معي ومقد شكيت لها بيوم وزوجي الله يحفظه طيب ومايشيل ع احد ويحبني موووت وانا بعد احبه و كل مناسبه او عيد اهديها شي حتى لو طلعه عاديه لسوق اشري لها ولخواتي هدايا

لكن انا خايفه اتأثر من كلام امي لاني من النوع الي عندي راي امي اهم شي وحكيم طبعا اذا جاب احد من العايله شي لزوجته او لبيته واولاده او حتى جارنا ترفعه لسماء لو شي بسيط وتجلس تمدح بالرجال قدامي وانه سنع وكريم واذا زوجي سوا كذا عادي ماتمدح ابد بل بالعكس تدور عيب عشان تذمه

ودايم تذمه عندي واحيان عند الحريم بس بشكل غير مباشر لكن مفهومة وانا انحرج والله و اذا ادب ولدنا ابو 5سنه ع غلط تعتب عليه كثير قدامي مع انه يحبه حتى اخر مرة قلتله يما هذا ابوه يسوي فيه الي يبي وزوجي صح ع قد حاله وعايشين ع الراتب وهو قليل شوي لكن حامده ربي وشاكرته لانه مو مقصر معي واول مايلقى فلوس يعطيني حتى

مرة جاته مكأفاة وكان مجمع من قبلها قلتله ابي اشتري لامي هدية غاليه وشريت لها ذهب ب5000 ولا قال غير تستاهلين انتي وامك رحت اعطي امي رمتها قدامي ويوم قلتلها يما فضلك كبير علي وماراح اوفيك حقك ابد وهذي هديا بسيطة مني ومن زوجي مايصير ترفضيها رضيت وخذتها لبس العافيه يارب قلت يمكن يلين قلبها ع زوجي

الا بالعكس حسيتها صارت تنتقده اكثر وامي طيبه كثير مع الناس بس مدري ليش ماتداني زوجي مع ان الحمدلله ما اخلي شي يخرب بينا انا وزوجي لكن كمان اتأثر برأي امي وكلامها حتى لو بشكل غير مباشر ولنا انا زوجي 7سنه متزوجين عمري 25 وزوجي 35 ومن اول ماتزوجته كنت الاحظ امي ماتدانيه ومع الايام زاد الكره اكثرر مدري وش السبب اتمنى تنصحوني وتلقون لي حل راح اكووون شاكرة لكم وطلعو مشكلتي باسرع وقت الله يرضى علي وعليكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hld , .,[d

المصدر...