المخاوف ذبحتني و خايفه على صحتي

المخاوف ذبحتني و خايفه على صحتي

السلام عليكم
ابي أستشيركم يا اعزائي في موضوع محيرني و ماني قادره اخذ قراري و قلت لعل و عسى احد ينفعني بنصيحه و يمكن ما تقنعكم المشكله لكن والله اني في هم كبير

انا بعد معاناه من تزوجنا في الحمل ومع المعالجات و البحث في الأسباب و بعد إجهاضات متكررة لما حملت اللحين ما تتخيلون كيف زوجي كان متعبه هالموضوع و حسيت بدأ تجيه أفكار زواج ، المهم اللحين وضعي غير مستقر و احتمال يصير اجهاض لا سمح الله و دوبني دخلت الشهر الثاني
اللي بستشيركم فيه انا طالبته اروح لاهلي هالشهر وارتاح عندهم وعساه يروح عني الوحم لكنه رافض يبيني ارتاح عنده الشهور الاولى و اذا جاء رمضان ان شاءالله اروح لهم واجلس عندهم الين الولاده يعني اجلس عندهم خمسة أشهر و انا ما عمري تركته كل هالمده و مدينة اهلي بعيد يبيلها ساعتين طيارة و ماني قادره اتركه كل هالفترة احاول أقنعه اجلس اللحين عند اهلي شهرو يمكن مااروح و بعدين اطلع لهم بالثامن ان شاءالله بدال الغياب خمس شهور ماهو راضي ويقول هو بيزورني في هالمده

و انا بصراحه قلبي ناغزني و ماني قادره اتركه لوحده يعني بصراحه خايفه الفراغ يخربه اقصد الفراغ العاطفي بسبب عدم وجودي و الفراغ في الوقت ماعنده شيء يشغله
من غير اني شفته حق تعارف في برامج الدردشات الصوتية فقط لكن ما قد شفت عليه اكثر من كذا و حتى ماهو دايما يعني يجلس البرنامج فتره و يحذفه فتره يعني اتوقع السالفه عنده طقطقه و ملل و لا عمري شفت اكثر من كذا برغم اني حريصه ابحث وراه
و لا اتشائم او اظلمه اقول باْذن الله انه ما هو راعي هالأشياء يارب
كمان اللي مخوفني انه من فتره يبي يسافر مع اخوياه سفرات خارجيه مره يقولي إندونيسا و مره يقولي جنوب افريقيا و كلها عشان يبي رحلات سفاري و يقنعني فيها طبعا ما قد سافر معهم من تزوجنا لكنه اللحين له فتره طويله يلمح و يصرح و احيانا يقولي بخلي سفراتي اذا انتي رحتي لأهلك لانه صعبه اسافر وأخليك لوحدك
حاليا اللي مطمن قلبي ان ابوه واهله موجودين بنفس المنطقة و ابوه يكرره هالسفريات و ممكن يحرمه منها لكن تعرفون الرجال صعب ينمسك و كمان اخاف من اخوياه لأنه نصفهم اعرف بلاويهم و قد شفت فيديوهات لهم حقت بنات و شراب في قروب عنده و نصفهم فيهم خير و يكرهون هالأشياء و محترمين ومعارضين لهالوصخ و سبق قريت محادثاتهم
الزبده ان زوجي على ما اشوفه محترم ويخاف الله و تعامله كويس معي و يحبني لكن عيبه الوحيد هو كثرة الكذب وطبعا لا تخلو الحياة من مشاكل

ان شاء الله فهمتوا مخاوفي و فهمتوا وضعي الصحي و فهمتوا ايش محتاره منه هل اسافر و اتركه مده طويله او اخليها قصيره و المشكله يقول أقنعيني ليه ماتبغين ترتاحين عند اهلك خصوصا في رمضان و ايش السبب اللي مخليك ترفضين و لا قدرت أقنعه وحتى أهله مره مستغربين اني رافضه و طلع شكلي بايخ ف ياليت احد يفيدني او اقل شي ادعو لي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hgloh,t `fpjkd , ohdti ugn wpjd

المصدر...