هل الوضع طبيعي ؟

هل الوضع طبيعي ؟

السلام عليكم

باختصر عليكم السالفه مملكة من 7 شهور والى الحين ماخطط على شي
ولا اعرف ايش في باله لا اي مكان بنسكن ولا ادري متى الزواج
حتى التاثيث قلت له نأثث سوا قال طيب اذا وريته شي مبدئي عشان على الاقل لو نسوي غرفه المعيشه و النوم قبل انشغل بجهازي ما يعطيني وجه
ولا يتفاعل معي
اذا قلت له طيب انت علمني اذا في شي عجبك من الي اوريك وانا بحجز يتكاسل ويصرفني
اذا رحت بنفسي وقلت له بشتري شي للشقه الي ما ادري وينها يتحمس ويقول اشتري الي تبغين وترى انا الي ادفع مو هو
وظروفه مره كويسه ماعنده التزامات ولا عنده اي شي وكل مصاريفه من اهله بالرغم انه موظف وراتبه كويس الحمدلله
بس عادي مو مشكله الحياه مشاركه ولا اتضايق
وغير كذا ما يخطط معي اي شي بس يقولي دايم نخطط سوا واذا جيت لقيت الواقع شي ثاني
حتى سواليف ما يسولف ولا يتكلم ماعنده شي بس يصجني يبي يكلمني واذا كلمته يقول ماعندي شي
وانا انسانه عندي اهداف .. احب اخطط .. و اسوي شغلي الحمدلله وانجز هو لا ابدا
ولا احب المكالمات التافهه والكلام الي يضيع وقتي استغل كل وقتي بشي مفيد سالفه اقعد على الجوال ساكتين بالمكالمه ذي مره تدبل كبدي
وامي هزاتني و اختي الكبيره قالوا تكلمينه 7 شهور ايش تقولون ايش وضع زوجك قلت مدري فعلا ما اعرف اي شي بباله ولا يشاركني شي شاطر بس بالكلام والخيالات
في هذي الحاله هل الوضع طيبي ولا لا ؟ ابي اعرف في اوادم كذا ولا في شي غلط
العالم كلها تسال عن الزواج ووين بسكن وانا ساكته ما اعرف شي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig hg,qu 'fdud ?

المصدر...