تعلقت فيها من اسبوع واحد

تعلقت فيها من اسبوع واحد

السلام عليكم ورحمة الله وبركاتة

اخواني واخواتي

عندي مشكله يمكن بنظركم مو كبيره بس انها مضايقتني ودايم افكر فيها

انا تعرفت على بنت من ثلاث اسابيع بالضبط من اول اسبوع حسيت اني متعلق فيها .. انا تعرفت على بنات كثير واقولها بلا فخر بس البنت هذي شي عجيب تعلقت فيها

احس اني ابيها وانا والله صادق ومستعد اخطبها واتزوجها ومستعد اسوي اي شي اقدر عليه عشان اخذها مع العلم اني ما ادري بمشاعرها تجاهي هل هي تبغاني او لا بس احس فيه

نوع من الاهتمام . المهم مع السواليف قالت لي انها محجوزة لولد خالها من اكثر من اربع سنوات وولد خالها توه يدرس وبليد فالدراسه ومو حريص على التخرج واذا تخرج يبغا له يدور وظيفه

ضايقني الخبر ولما عرفت انها ماتبغاه فرحت . طبعاً انا عرفت انها ماتبغها من كلامها عنه تتهزئ بشكله وتكره اخواته وتكره العائله كلها . انا بديت اقول لها اذا ماتبغينه لا تتزوجينه لان نهاية

هذا الزواج اما طلاق او حياة مالها قيمه بارده .. بديت اقنعها ما تتزوجه قالت لي اخاف اذا رفضت خوالي كلهم يزعلون على امي ويقاطعونها وتقول بنفس الوقت مابي هذا الزواج ومدري

كيف اقول لابوي .. قلت لها قولي له استخرتي ومو مرتاحه وكل ماتذكرتيه تتضايقين .. قالت بيقولون توك تتضايقين وتوك ماترتاحين وبيحاولون يقنعوني فيه . قلت بالنهاية بيغصبونك عليه ؟ قالت

لا بس بيحاولون يقنعوني .. قلت خلاص حلو

بعدين هذا زواج مو يوم يومين حياة كامله لازم انتي تكونين مقتنعه فيها وقلت لها حتى لو زعلوا خوالك على امك طز فيهم .. يعني تتزوجين شخص ماتبينه عشان مايزعلون !!!! ظلم

لا تظلمين نفسك .. واستمريت في محاولت اقناعها لاني والله العظيم اني ابغاها وزي ماقلت لكم مستعد اسوي اي شي عشان اخذها

طبعاً مو انها هي تبغاه وانا اقنعها تتركه لا والله هي ماتبيه .


وش رايكم وش اسوي ؟؟
ابي حلول


شكراً لكم مقدماً

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jugrj tdih lk hsf,u ,hp]

المصدر...