اعتراف زوجي بحبه السابق .. زاد الطين بله

اعتراف زوجي بحبه السابق .. زاد الطين بله

-



السلام عليكم ورحمة الله وبركاته


متزوجه من 6 شهور و زوجي من بداية زواجنا وهو يخوني لكن ماكان عندي دليل غير اني افتش جواله وهو نايم طبعا انا كنت ادري من قبل ماافتش جواله من تصرفاته و السناب كل شوي يسولف عليه بس لما عرفت الرمز فتشت السناب و تأكدت من شكوكي انها في محلها وقلت اسكت واتحمل لانه زواجي الثاني ولاني حامل لحد ماوصلت حدي وانفجرت بعد زواجي ب 4 شهور وصورت كل شي لانه مايعترف على نفسه و قلت به انت نسيت جوالك مفتوح .. وتأسف وخلاني احذفهم كلهم ومدري ايش مع العلم انه للحين ماترك سوالفه لاني احس و صار يعصب علي لاني شكاكه و زهقته ..

الموضوع انه اعترف لي اليوم بأنه كان على علاقة حب قبل سنه و يوصف لي كيف كان يحبها وانه من درجة حبها ماينام الا على صوتها .. وانه تفكيره على طول معها بس ابوها زوجها ولد عمها يقول من بعد هذاك اليوم وانا متحطم و قعدت ابكي والاكل مااكله .. يقول لحد مانسيتها بس كان حاقد على ايوها انها زوجها وهو يتكلم يسبه هنا انقهرت يقول صبح زواجنا دقت عليه تبارك له وقال لها خلاص لا تدقين علي و خلاص مادقت .. و ذكر لي انها كانت راضيه تكلمه وهي متزوجه من كثر ماتحبه .. هو صح يحبني و مايقصر ماشاء الله بس انا من بعد اللي شفته منه و من كثر ماانا اشك فيه حتى وهو نايم احسه يكذب علي يقعد على جواله زاد الطين بله ..



احسه سبب لي مرض الشك والغيره اللي ماكانت فيني في زواجي الاول ( ماعندي اطفال ) .. مادري وش اتصرف الحين انشغل بالي انه للحين يحبها وهو يحلف لي انها ماتسوى شي بحياتها ولو اتصلت بيخليني اكلمها بس انا خايفه و نفسيتي تعبانه من الشك اصلا و زادها علي بقصة حبه ..

حتى الجامعه ماصار لي بارض اكملها من الشك والتفكير صار مرررض 💔

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hujvht .,[d fpfi hgshfr >> .h] hg'dk fgi

المصدر...