القاضى بيقول مفيش دليل

[frame="3 80"]

مفيش دليل ؟؟؟؟؟

القاضي قال مفيش دليل ؟؟؟؟؟

أنا الدليل ..
أنا الدم اللى سال ع الأرض
ما استكفِـت
..

... ... أنا العين اللى صابها الغدر

و اتصفِّـت ..

أنا الأم اللى حرقوا فؤادها ع الغالى

و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..

أنا المضروب ب 100 خرطوش

على ضهرى ..

أنا اللى العمر راح محنة ورا محنة ..

و قلت شاريكى ولا مرة نفَد

صبرى ..

أنا المجنى عليه و اليوم بقيت جانى ..

واللى قتلنى برئ و عيونه

ناكرانى ..
خرجوا الديابة من القفص أحرااااار ...

و انا اللى لسه سجين محبوس ف أكفانى ..

يا نكسة كانت ف التاريخ و اليوم بقِت وكسة ..

يا قلوب و متلونة بالغدر و الخِســة ..

لو كنتوا فاكرين حلمنا ممكن يموت

..
متفرحوش ..
متفرحووش

نـــار القصاص و الدم هيشتعل لســه ...... -

القصيدة بقلم الشاعرة : دعاء عبد الوهاب

حسبي الله ونعم الوكيل

[/frame]

وعليكم السلام ورحمة الله وبركاته

الله المستعان

جزاك الله خيرًا وبارك فيك

و إياك حبيبتى
جزاك الله كل خير على مرورك الطيب

حسبُنا الله ونعم الوكيل
اللهم أنصر شعبك يا كريم
بجد قصيده تفوق الروعه بجمال كلماتها
ولكنها أبكتني كثيرا

بارك الله فيكِ
أمي الغاليه أم حفص
وجزاكِ ربي خير الجزاء
ونفع بكِ الإسلام والمسلمين